"Yeni Müsavat" qəzeti 25 illik yubileyini qeyd edir

Bu gün Yeni Müsavat qəzetinin ilk sayının dərc olunmasının üzərindən nə az, nə çox tam 25 il ötür. Qəzetin ilk sayı 10 noyabr 1989-cu ildə dərc olunub. 1989-91-ci illər ərzində gizli və qeyri - formal nəşr olunan qəzet bu gün ölkənin ən ciddi və ən oxunaqlı qəzeti hesab olunur.

Yeni Müsavat Qəzeti: 1993-cü ilin mart ayından qəzetin təsisçiliyini Müsavat Partiyasının keçmiş başqanı İsa Qəmbər öz üzərinə götürmüşdür.

2009-cu ilin noyabr ayının 8-də qəzetin təsisçisi İsa Qəmbər qəzetin 20 illik yubileyində 16 il 8 aydan sonra təsisçiliyi Rauf Arifoğluna təhvil vermişdir. Qəzetin 26 noyabr 2009-cu il tarixli sayında təsisçisi rəsmən dəyişərək Rauf Arifoğlunun təsisçiliyi ilə işıq üzü görməyə başlayır.

Qəzet həmin tarixdən bəri Rauf Arifoğlunun baş redaktorluğu ilə fəaliyyət göstərir. Yeni Müsavat Qəzeti indiyədək bir-birindən bacarıqlı gənclərlə işləyərək müxtəlif imzalar kəşf etmiş və jurnalistikaya öz böyük töhvəsini vermişdir.

Bu günü özündə böyük tarixi əks etdirən 25 illik qəzetin yaradıcılarının, həmçinin hazırda orada çalışan bütün jurnalistlərin ad günü hesab etmək olar.

Ölkə.az kollektivi adından Rauf Arifoğlu başda olmaqla, bütün "Yeni Müsavat" qəzeti və musavat.com saytının əməkdaşlarını təbrik edir və bundan sonrakı fəaliyyətlərində hər birinə uğurlar arzu edirik.

Ölkə.az