Kürdəmirdə çaqqallar kəndə hücum ediblər
Çaqqallar Kürdəmirin Cəyli kəndində iki təsərrüfata ziyan vurublar. Yırtıcılar Salamat Hacıyev və Təşkilat Nəsirova məxsus ümumilikdə 15 baş xırda buynuzlu heyvanı yaralayıblar.
Ölkə.Az-ın ARB TV-yə istinadən məlumatına görə, maraqlısı odur ki, çaqqallar gec yox, məhz səhər saatlarında heyvanlara hücum ediblər. Yaralı heyvanlara vaksinlər vurulub, ərazi dezinfeksiya edilib.
Kürdəmirdə təsərrüfatlara yırtıcıların hücumunun çoxalması təsadüfü deyil. Mütəxəssislər bunu son vaxtlar yırtıcıların sayının artması ilə əlaqələndirirlər.
