Torpaq almaq istəyənlərin diqqətinə: Bölgələrdə torpaq ucuzlaşdı

Bununla yanaşı qiymətlərdə də nəzərəçarpacaq dərəcədə azalma müşahidə olunur.

Ölkə.Az bildirir ki, bir çox yerlərdə torpağın qiyməti 20 faizədək enib.

Rieltorların sözlərinə görə, ən yüksək qiymət şəhərin mərkəz hissələrindədir ki, burada torpağın 1 sotu 8-10 min manata satılır. Həmin ərazilərdə də satış demək olar ki, tam dayanıb.

Bərdə və ətraf rayonlarda da anoloji vəziyyət hökm sürür. Son 6 ayda alqı-satqı xeyli azaldığından torpaq 20-25 faiz ucuzlaşıb.

Rayon mərkəzindən aralı kəndlərdə isə 1 sot torpağın qiyməti 200-800 manat arasında dəyişir. Ümumilikdə isə alıcılıq qabiliyyəti xeyli azalıb.

Zaqatalada da torpağın qiyməti 20-30 faiz, hətta bəzi ərazilərdə 50 faiz enib. Mərkəzdə torpağın sotu 7-10 min, ətraf ərazilərdə isə 1500-3 min manata təklif edilir. Lakin burada da durğunluq var.

Torpaq sahələrindən fərqli olaraq isə fındıq bağlarının qiyməti 2 dəfəyədək artıb. Qiymətlərin bu cür artması fındığın bahalaşması ilə əlaqələndirilir. /xezerxeber.az