Bakıda əsas yollardan biri bağlanır
Bakıda əsas avtomobil yollarından biri bağlanacaq.
“Azəravtoyol” ASC-nin mətbuat xidmətinin rəhbəri Anar Nəcəflinin “Ölkə.Az” saytına verdiyi məlumata görə, Qala-Pirallahı avtomobil yolunda hərəkət məhdudlaşdırılacaq.
“Qala-Pirallahı avtomobil yolunun 3-cü km-də inşa olunan yerüstü piyada keçidinin aşırım hissəsinin montajı ilə əlaqədar olaraq aprel ayının 15-dən 16-na keçən gecədən səhər saat 6-dək avtonəqliyyat vasitələrinin hərəkəti sözügedən ərazidə məhdudlaşdırılacaq. Məhdudlaşdırma eyni saatlarda 16-dan 17-nə keçən gecə də tətbiq olunacaq”, - deyə A. Nəcəfli bildirib.
Qeydf edək ki, sürücülər alternativ olaraq Zığ-Türkan-Qala avtomobil yolundan istifadə edə bilərlər.
Ziya Səccad
Ölkə.Az
