Aprel şəhidi Adil Adilzadə doğulduğu məktəbdə yad edildi
"Ölkə.Az" xəbər verir ki, Adil Kamran oğlu Adilzadə 1993-cü ildə aprel ayının 17-də Mingəçevir şəhərində doğulub.
Mingəçevir şəhər 20 saylı orta məktəbi bitirdikdən sonra hərbi xidmətə yollanıb. Adil Adilzadə hərbi xidməti bitirdikdən sonra N saylı hərbi hissədə müddətdən artıq həqiqi hərbi xidmət keçən hərbi qulluqçu vəzifəsində xidmət edib.
Adil Adilzadə 2016-cı ilin aprel döyüşlərində şəhid olub. O, ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.
Bu gün Adil Adilzadənin doğum günü şəhidin oxuduğu məktəbdə qeyd edilib. Şəhidin doğum günündə onun valideynləri məktəbdə məktəblilərlə görüş keçirib.
Ölkə.Az şəhidin oxuduğu məktəbdəki keçirilən tədbirdən çəkilən fotoları sizə təqdim edir:
Səxavət Məmməd
Ölkə.Az
