Politoloq: "Ölmüş erməni əsgərlərinin meyitləri girovlarımızla əvəz oluna bilər"

Ermənistan Silahlı Qüvvələrinə məxsus vertolyotun Azərbaycanın Dağlıq Qarabağ ərazisində, qoşunların təmas xəttində vurulması zamanı ölən 3 erməni hərbçi ilə azərbaycanlı girovlar dəyişdirilə bilər.

Bu fikir ilə politoloq və hərbi ekspertlər çıxış ediblər.

Ölkə.az-a danışan politoloq Elman Nəsirli bildirib ki, girov götürülmüş azərbaycanlıların geri qaytarılması üçün bütün mexanizmləri işə salıb, bütün vasitələrdən istifadə edilməlidir. Bu helikopterdə ölən erməni əskərləri ilə girovlarımızın əvəzlənməsi də ola bilər.

"Bundan sonrakı cənazənin qaytarılması məsələsi məlum hüquqi proseduarlar əsasında reallaşdırıla bilər. Təbii ki, indiki vəziyyətdə Ermənistan tərəfi qeyri-qanuni olaraq doğma yurd-yuvasına gedən azərbaycanlıları girov götürübsə, onların üzərində qondarma məhkəmə prosesi təşkil edibsə, bundan yararlanıbsa, deməli indiki şərtdən istifadə edərək girov götürülmüş azərbaycanlıların geri qaytarılması üçün bütün mexanizmləri işə salıb, bütün vasitələrdən istifadə etmək istisna deyil. Bu bütün beynəlxaq hüquq çərçivəsində,bununla bağlı müvafiq qrumlar çərçivəsində reallaşdırılmalıdır. Vurulmuş helikopterdəki erməni meyidləri ilə girovların qaytarılmasının əvəzlənməsi istisna edilmir.

Təbii ki, bu sonuncu çıxış yolu deyil. Belə bir vəziyyətdə bütün qanuni imkanlar grovların qaytarılmasına imkan vermirsə, bu halda həmin o mexanizmlərin sırasında bir məcburi addım kimi bu variantdan da istifadə etmək olar".

Qeyd edək ki, meyitlərin qaytarlması məsələsinin yalnız Azərbaycanın iradəsindən asılı olduğu bildirilir.

Fatimə İbrahimova
Ölkə.az