Politoloq: "Helikopter faciəsi Azərbaycanda siyasi təlatümlərin əsasını qoydu"

Bu gün Xocavənd rayonunun Qarakənd kəndinin yaxınlığında, Ağdam rayonunun Mərzili kəndi ərazisində erməni hərbiləşdirilmiş dəstələri tərəfindən Azərbaycan hərbi helikopterin vurulmasının üzərindən 23 il ötür.

Ölkə.az xəbər portalı olaraq politoloq Zərdüşt Əlizadə ilə birlikdə 23 il əvvələ qayıtdıq.

Zərdüşt Əlizadə: "Əslində orada, daha çox sərnişin olmalıdı idi. Ağdamdan helikoter qalxmazdan əvvəl Tamerlan Qarayev son dəqiqə başqa işləri çıxdığına görə minmədi, yoxsa sərnişinlər arasında bir neçə nəfər də çox olacaqdı.

Nəticə...

Nəticə o oldu ki, Ayaz Mütəllibov barışıq naminə parlamenti müxalifətə verməli oldu və müxalifət parlamentdən alət kimi istifadə etdi. Bununla da Azərbaycana növbəti ağır zərbə gəldi. Bir az sonra onlar da, yəni müxalifət də tarixin məchul səhifələrinə qovuşdu".

Müəmmalı qəza

Tam 23 il bundan öncə helikopter Qarakənd kəndi üzərində vuruldu...

Xatırladaq ki, 20 noyabr faciəsi nəticəsində Azərbaycanın dövlət katibi Tofiq İsmayılov, ölkənin baş prokuroru İsmət Qayıbov, daxili işlər naziri Məhəmməd Əsədov, Osman Mirzəyev, Alı Mustafayev və bir çox dövlət məmurları həlak oldular. Faciənin qurbanları sırasında Rusiyadan olan generallar yox idi. aparılan araşdırmalar nəticəsində məlum olur ki, Mi-8 72 hərbi helikopterinə Amerika istehsalı olan Barret M82A1 silahından atəş açılıb.

Əlbəttə, bu hadisə Azərbaycan üçün çox ciddi və böyük bir itki oldu. "Qara qutu"nu oxumaq üçün onu Rusiyaya göndərdilər və onun nəticələri haqqında heç kimə məlumat vermədilər və sonda bu məsələ bağlandı.

Fatimə İbrahimova
Ölkə.Az