Həftənin icmalı
Ölkə.az oxucularına sona çatan həftənin qısa icmalını təqdim edir:
11 aylıq uşağa tibbi yardım göstərməkdən boyun qaçırdılar — Ağdam Uşaq Xəstəxanasında rəzalət
Ağdam rayon uşaq xəstəxanasından şikayət edən sakinin uşağına xəstəxananın baş həkimi Həqiqət Süleymanovanın tapşırığı ilə tibbi yardım göstərilmir.
Ölkə.az-a Ağdam rayon sakini Zeynalov Avdıdan məlumat daxil olub. Onun müxbirimizə verdiyi xəbərə görə, bir neçə gün öncə gecə saat ikidə birdən-birə 11-aylıq uşağı Vəli Zeynalovun vəziyyəti ağırlaşıb və onu təcili Ağdam rayon uşaq xəstəxanasına aparıblar. Xəstəxanada növbətçi həkim və tibb bacıları yatmış olduqları üçün Avdı Zeynalov və yanındakılar xəstəxananın qapısını yarım saatdan çox döyməli olublar. Uşağın vəziyyətinin çox pis olması valideyinləri narahat etdiyindən onlar bütün vasitələrlə yatmış növbətçi həkimləri oyatmağa çalışıblar. Yarım saatdan sonra yuxudan duran qapını açaraq Zeynalovların üzərinə yeriyib və üzürhaxlıq etmək əvəzinə onlara bildirib ki, Ağcabədi uşaq xəstəxanası daha yaxındır, uşağı niyə ora aparmırsız bura gətirirsiz? Uşağın atası isə Ağdam rayon sakimi olduğunu həkimə xatırladaraq mübahisədənsə ağır vəziyyətdə olan uşağa tibbi yardım göstərməyin daha düzgün olacağını bildirib. Növbətçi həkim 11 aylıq uşağa tibbi yardım göstərməkdən imtina etdikdən sonra vətəndaş Zeynalov əlacsız qalaraq geri yaşadığı qəsəbəyə qayıdıb və qəsəbənin həkimi uşağa ilk tibbi yardımı edib.
Bundan sonra Səhiyyə Nazirliyinin qaynar xəttinə zəng etdiyini deyən Avdı Zeynalov baş verənləri qaynar xəttə bildirib.
Həmin hadisədən bir gün sonra uşağı yenidən xəstəxanaya aparan Zeynalovlar yenə eyni cavabı alıblar. Həkimlər uşağa baxmaqdan boyun qaçırıblar. Uzun mübahisədən sonra sonra həkimlərdən biri uşağa baxdıb və sistem qoşulmalı olduğunu bildirib. Ancaq yenə tibb bacıları sistem vurmaqdan boyun qaçırıblar. Tibb bacılarından biri Avdı Zeynalova bildirib ki, baş həkim Həqiqət Süleymanova tapşırıb ki, o uşağın valideyini Səhiyyə Nazirliyinin qaynar xəttinə zəng edib şikayət etdiyinə görə onun uşağına baxılmayacaq.
Baş həkim Süleymanova Həqiqəti xəstəxananın dəhlizində görən Avdı Zeynalov onu məhkəməyə verəcəyi ilə hədələdikdə isə, o bildirib ki, icra başçısı Raqub Məmmədovun həmkəndlisidir və ona heç kim heç nə edə bilməz.
Mövzunu davam etdirəcəyik...
Redaksiya: qarşı tərəfin mövqeyini işıqlandırmağa hazırıq...
Səxavət Məmməd
Ölkə.az
“Mado”-nun sevimli müğənnisi Şer Sarkisyan kimdir? — ŞOK TƏFƏRRÜAT
Bir neçə gün əvvəl Bakıdakı "Mado" türk restoranları şəbəkəsindən birində biabırçı olayın yaşandığı haqda məlumat vermişdik.
Ölkə.Az əməkdaşının şahidi olduğu görüntü onun və müştərilərin kəskin etirazına səbəb olmuşdu.
Nizami küçəsi Səməd Vurğun adına Rus Dram Teatrı ilə üzbəüz yerləşən "Mado" türk restoranında erməni müğənnisi Şer Sarkisyanın mahnısı səsləndirilmişdi. Buna dərhal etiraz edən müştərilər restoran adminstrasiyasından mahnının dayandırılmasını və repertuartdan kənarlaşdırılmasını tələb etmiş və restoran rəhbərliyi müştərilərin tələbini ilk öncə diqqətə almasa da sonrakı təkidlərə görə istəksiz də olsa yerinə yetirmişdi.
Qeyd edək ki, "Mado"da səsləndirilən erməni mahnısı müğənni Şerlin Sarkisyanın "Believe" adlanan mahnısı idi.
Bugünkü qısa araşdırmamızda adı çəkilən müğənninin həyatı haqda oxucularımız məlumat verəcəyik. Mövzunu qabartmağımızın səbəbini materialımızı oxuyandan sonra dərhal anlayacaqsınız.
ŞER SARKİSYAN KİMDİR?
1946-cı ildə ABŞ-ın Kaliforniya şatatının El-Sentro şəhərində, erməni ailəsində anadan olan Şer (Şerilin) Sarkisyan ən məşhur musiqi mükafatlarının laureatıdır. "Oskar", "Gremmy", "Emmy" və 3 "Qızıl Globus" mükafatı almış erməni müğənnisi musiqi sahəsindəki nailiyyətlərindən başqa ABŞ-ın erməni diasporunun da ən fəal sponsorlarından biridir. Kaliforniyadakı bütün erməni təşkilatlarının rəhbərləri ilə əlaqəsi olan Şer Sarkisyan, bu ştatın Senatında qondarma "Dağlıq Qarabağ"ın müstəqilliyini tanımasında müstəsna rol oynayıb.
ŞER SARKİSYAN VƏ ERMƏNİ SEPARATİZMİ
Ad-sanından həmişə erməni faşizminin xeyrinə istifadə edən Şer Sarkisyan hər ilin Dağlıq Qarabağdakı erməni terror dəstələrinə milyonlarla dollar ianə köçürür. Kasetləri böyük tirajla satılan Sarkisyan Qarabağ müharibəsi illərində erməni separatçılarının maraqları üçün ən yüksək səviyyədə lobbiçilik fəliyyəti həyata keçirən məşhur ermənilərdən biridir.
ABŞ-ın “CBS” kanalında bir vaxtlar aparıcılıq edən Sarkisyan bu ölkədə Azərbaycan haqqında mənfi imic formalaşdırmaq üçün əlindən gələni edib. Müğənni kimi konsert proqramları ilə çıxış etdiyi bütün ölkələrdə rəsmi şəxsalərlə görüşləri zamanı erməni separatizminə, qondarma Dağlıq Qarabağa və "erməni soyqırımına" açıqdan-açığa diqqət yönəldərək azərbaycanlıları və türkləri dünyada vəhşi kimi qələmə verməkdən heç vaxt çəkinməyib.
“CBS” kanalına dəvət etdiyi bütün qonaqlarına erməni təbliğatı aparan Şer Sarkisyan bu populyar kanalın auditoriyasından istifadə edərək Türkiyə dövlətinin imicinə ağır zərbələr endirib. Xüsuilə Reyqanın prezidentliyi illərində onun həyat yoldaşı Nensi ilə yaxın münasibətlərindən sui-istifadə edən Şer, dəfələrlə birinci xanım vasitəsi ilə ABŞ prezidentinə təsir edərək "erməni soyqırımı" məsələsinə Lonqresin gündəminə gətirib.
"MADO" VƏ ŞER SARKİSYAN
Erməni terrorizminin, erməni saparatizminin ən fəal dəstəkçilərindən olan Sarkisyanın mahnılarını müştərilərinə dinlədərək onu təbliğ edən türk restoranın əsl sahibinin kim olduğunu bilmirik. Amma mahnısını zorla dinlətdiyi xalqın başına bu erməni "sürtüyünün" dəstəyi ilə hansı oyunların gəldiyini bu xalqın övladları olaraq gözəl bilirik. Azərbaycandan əlavə, həmin müğənninin nüfuzunun və pullarının köməyi ilə Türkiyə dövlətinin imicinə endirilən zərbələri elə "Mado"nun sahibi "abimlərimizin" diqqətinə bir daha çatdırırıq. Kütləvi olaraq gedilən bir erməni restoranında bir Azərbaycan müğənnisinin mahnısına rast gəlmək mümkün deyil. Bir erməni bir azərbaycanlının məşhur olmasının qarşısını almaq üçün əlindən gələni edər, onu gözdən salmaq üçün var-yoxundan belə keçər, çünki ermənidir, tarixi düşmənimizdir, sizin və bizim, Vəssalam...
Ölkə.az, Monitorinq şöbəsi
"Bu Azərbaycana sayqısızlıqdır" — "Mado"da baş verənlərə sərt reaksiya
"Azərbaycan insanının, duyğuları, hissləri ilə oynayacaq, o cümlədən onu aşağılayacaq şeylərə yol vermək olmaz".
Bir neçə gün bundan öncə Nizami küçəsi Səməd Vurğun adına Rus Dram Teatrı ilə üzbəüz yerləşən «Mado» türk restoranında erməni müğənnisinə aid mahnının səsləndirilməsi barədə xəbər vermişdik.
Məsələ barədə hüquq müdafiəçisi Ələsgər Məmmədli öz fikirlərini Ölkə.az-la bölüşdü.
"Təbii ki, musiqi zövqlərə görə dəyişir və hər kəs istədiyi musiqini dinləyə bilər. Mən məsələyə hüquqi deyil, mənəvi nöqteyi-nəzərdən yanaşmaq istəyirəm. Mənəvi, vətənpərlik nöqteyi nəzərdən yanaşsaq, Azərbaycan insanından pul qazanan, ona xidmət göstərən qrum, həmçinin orada xidmət göstərənlər kimliyindən asılı olmayaraq Azərbaycan insanına hörmətlə yanaşmaqda borcludur. Azərbaycan insanının, duyğuları, hissləri ilə oynayacaq, o cümlədən onu aşağılayacaq şeylərə yol vermək olmaz. Əgər həmin restoran Azərbaycan auditoriyasına xidmət edirsə, həmin o strukturların bu cür məsələlərə ciddi diqqət etməyi vacibdir. Mənəvi nöqteyi nəzərdən düşünürəm ki, bu Azərbaycan insanına sayqısızlıqdır. Onlara heç cür haqq qazandırmaq olmaz. Azərbaycanın ərazilərinin ermənilər tərəfindən işğal olunduğunu, onların Azərbaycan mədəni irsinə çox böyük zərər verdiyini və daha nələri unutmamalıyıq".
Qeyd edək ki, bir neçə gün bundan öncə «Mado» restoranında erməni müğənni Şerlin Sarkisyanın «Believe» adlanan musiqisi müştərilərin etirazına səbəb olmuşdu.
P.S Ölkə.az xəbər portalı olaraq məsələyə bir daha qayıdacağıq.
Ölkə.az
Ağ evdə "erməni soyqırımı"nı "əks etdirən" xalça sərgilənməyə başladı
ABŞ hakimiyyəti qondarma “erməni soyqırımı”nı "əks etdirən" xalçanı Ağ evdə sərgiləməyə başlayıb.
Bu barədə Türkiyənin "Hurriyet" qəzeti xəbər yayıb.
Məlumata əsasən, xalça 23 noyabr tarixinədək nümayiş etdiriləcək.
Məlumat üçün bildirək ki, keçən il erməni lobbisinin istəyinə baxmayaraq Ağ ev “erməni soyqırımı”nı "əks etdirən" xalçanın sərgilənməsinə icazə verməmişdi.
Qeyd edək ki, Ermənistan və erməni lobbisi bəyan edir ki, Türkiyənin sələfi olan Osmanlı İmperiyası 1915-ci ildə Anadoluda yaşayan ermənilərə qarşı soyqırım törədib. Erməni təbliğatının təzyiqi ilə bir sıra ölkələrin parlamentləri qondarma "soyqırım"ı tanıyıblar.
Türkiyə hökuməti 1915-ci il hadisələrinin araşdırılması üçün ortaq komissiya yaradılaraq, arxivlərin açılmasını təklif etsə də, Ermənistan hökuməti Ankaranın bu təklifini hələ də rədd edir.
Ölkə.Az
Bəzi pullu parklama yerləri ləğv ediləcək
Son günlər ölkə mətbuatında Bakı küçələrində qeyri-əlverişli ərazilərdə pullu parklama yerlərinin yaradılması ilə bağlı məlumatlar yer alır
Belə halların mövcud olması və hansı tədbirlərin görülməsi ilə bağlı Baş Dövlət Yol Polisi İdarəsinin şöbə rəisi, polis polkovniki Kamran Əliyev bildirib ki, son dövrlərdə paytaxtda tıxacların qarşısının alınması, avtomobillərin maneəsiz və təhlükəsiz hərəkətinin təmin edilməsi məqsədilə bir neçə yeraltı avtomobil duracağı yaradılaraq sürücülərin və avtomobil sahiblərinin istifadəsinə verilib: "Bununla yanaşı, çox yaxşı haldır ki, paytaxt sakinlərinin gündəlik həyat və fəaliyyəti, eləcə də yol kənarlarında uzunmüddətli durmaların qarşısının alınması ilə əlaqədar yeraltı duracaqlardan kənar ərazilərdə tələbatdan asılı olaraq Bakı Şəhər İcra Hakimiyyəti tərəfindən 300-dək yerüstü parketmə yerləri müəyyənləşdirilərək pullu xidmətlər təşkil edilmişdir.
Qeyd olunan xidmətlərin fəaliyyətinin nəqliyyatın hərəkətinə təsiri ilə bağlı keçirdiyimiz növbəti müayinələr zamanı 80-dən çox yerüstü pullu parklanma yerlərinin mövcud tələblərə cavab verməyən ərazilərdə təşkil edildiyi müəyyən olunmuşdur ki, bu da xüsusilə pik saatlarında nəqliyyatın fasiləsiz hərəkətinə manelər yaradır".
K.Əliyev deyib ki, belə yerlərlə bağlı BDYPİ tərəfindən Bakı Şəhər İcra Hakimiyyəti qarşısında məsələ qaldırılıb və onların ləğvi ilə bağlı müvafiq tədbirlər görülür: "Hesab edirik ki, mərkəzdəki bəzi duracaq yerləri ləğv edilsə də, duracaqlara olan tələbatın ödənilməsi baxımından paytaxtın digər yerlərində də razılaşdırılmış qaydada yeni parklanma yerlərinin yaradılmasına ehtiyac var və bu məqsədlə araşdırmalar aparılır”.
Ölkə.Az
Ramil Usubovdan yeni rəis təyinatı
Ağcabədi Rayon Polis Şöbəsinin Yol Polisi Bölməsinə yeni rəis təyin edilib.
Daxili işlər naziri, general-polkovnik Ramil Usubovun əmri ilə bu vəzifəyə polis mayoru Dadaş İbrahimov təyin edilib.
Dadaş İbrahimov bundan əvvəl Bakı şəhər Baş Polis İdarəsinin Dövlət Yol Polisi İdarəsində İctimai Təhlükəsizlik İdarəsinin əməkdaşı olub. Ondan öncə isə İmişli Rayon Polis Şöbəsinin Yol Polisi Bölməsinin rəisi vəzifəsində çalışıb.
Dadaş İbrahimov açıqlamasında xəbəri təsdiqləyib. O, artıq işə başladığını bildirib.
Ölkə.Az
Millət vəkili "Mado"nu baykot etməyə çağırdı
"Erməni musiqisini Azərbaycanda səsləndirmək düşünürəm ki, elə erməni olmaqdan betərdir"
Xəbər verdiyimiz kimi bir neçə gün bundan öncə Nizami küçəsi Səməd Vurğun adına Rus Dram Teatrı ilə üzbəüz yerləşən "Mado" türk restoranında erməni mahnısı səsləndirilmişdir. Ölkə.az-ın əməkdaşının şahidi olduğu olayda müştərilərin etirazından sonra musiqi dəyişdirilsə də, növbəti gün restorana üz tutan müştərilər eyni hadisə ilə üzləşdikləri barədə redaksiyamıza xəbər veriblər.
Məsələ ilə bağlı Ölkə.az olaraq Nizami küçəsi Səməd Vurğun adına Rus Dram Teatrı ilə üzbəüz yerləşən "Mado" türk restoranına etirazımızı bildirsək də, restoranın sərt təpkisi ilə qarşılaşdıq. "Mado" restoranı belə həssas bir dönəmdə erməni yalanlarının təbliğatçısı erməni müğənni Şer Sarkisyanın mahnısını səsləndirdiyi üçün üzr istəmək əvəzinə utanmadan əməkdaşlarımıza hədə qorxu gəlib.
Məsələyə millət vəkili Fəzail Ağamalı biganə qalmayıb. Ölkə.az-a danışan millət vəkilinin "Mado" barədə səsləndirdiyi fikirləri təqdim edirik.
"Bir Azərbaycan vətəndaşı olaraq deyirəm ki, bu cür vəziyyətlərdə cəmiyyətin çox ciddi müqaviməti, mübarizəsi lazımdır. Həmin kafeyə cərimə sanksiyası tətbiq olunmalıdır. Azərbaycanın 20% torpaqlarını işğal edən, Xocalı faciəsini törədən, insanları doğma yurdundan didərgin salan, pis vəziyyətə qoyan və bu gün də o təcavüzkalığını həyata keçirən faşist təfəkkürlü millətin musiqisinin Azərbaycanda səsləndirmək düşünürəm ki, elə erməni olmaqdan betərdir. Buna qarşı cəmiyyətin çox ciddi müqaviməti olmalıdır. İctimai tədbir geniş xarakter almalıdır. Həmin yerə insanların gedişinə son qoyulmalıdır. Bu cür kafelərdə, hansı ki, orada erməni musiqiləri səsləndirilir ölkənin milli mentalitetinə, adət ənənəsinə ziyan dəyən yerlər varsa, oralar baykot edilməli və insanlar həmin məkanlardan bir daha istifadə etməməlidir. Onlar Azərbaycanda fəaliyyət göstərdiklərini unutmamalı və azərbaycanlıların heysiyyatı ilə oynadıqları üçün ciddi sanksiyalara məruz qala bilərlər".
Qeyd edək ki, bir neçə gün bundan öncə "Mado" restoranında erməni müğənni Şerlin Sarkisyanın "Believe" adlanan musiqisi səsləndirilmişdir.
Fatimə İbrahimova
Ölkə.az
Müdafiə Nazirliyindən ATƏT-ə — CAVAB
Noyabrın 12-də cəbhənin Ağdam rayonu istiqamətində Silahlı Qüvvələrimizin mövqelərinə hücum edən Ermənistan silahlı qüvvələrinə məxsus Mi-24 tipli döyüş helikopterinin cavab atəşilə məhv edilməsi faktı ilə bağlı ATƏT-in Minsk qrupunun həmsədrlərinin yaydığı bəyanat təəssüf və təəccüb hissi doğurur.
Ölkə.Az bildirir ki, bu barədə Müdafiə Nazirliyi məlumat yayıb.
Bəyanata cavab olaraq bildiririk ki, qoşunların təmas xəttində heç bir neytral ərazi yoxdur və ola da bilməz. Ermənistan tərəfindən işğal olunmuş torpaqlar beynəlxalq ictimaiyyət tərəfindən tanınmış Azərbaycan Respublikasının əraziləridir.
Bəyanatda işlədilən "humanitar keçid" termini isə anlaşılmazdır və münaqişənin mahiyyətindən bixəbər olanlara hesablanıbdır. Hazırda bu ərazidə heç bir dinc sakin və ya mülki şəxs yoxdur ki, onların döyüş gedən ərazidən çıxarılması üçün hər hansı bir "keçid" və ya "dəhliz" açılsın.
"Ərazidə atəşin dayandırılması" və "ərazilərin minalardan təmizlənməsi" fikirləri isə tam əsassızdır və erməni tərəfinin maraqlarına hesablanıb. Bu, yalnız bir halda - Ermənistan silahlı qüvvələrinin tamamilə və qeyd-şərtsiz işğal olunmuş ərazilərdən çıxarılmasından sonra mümkün ola bilər.
Azərbaycanın daim qarşı tərəfi beynəlxalq hüququn norma və prinsiplərinə, müharibənin aparılması qaydalarına riayət etməsi çağırışına baxmayaraq Ermənistan hər zaman bundan boyun qaçırır və cinayət törətməkdə davam edir.
Müdafiə Nazirliyi bir daha bildirir ki, düşmən tərəfi mütəmadi olaraq qəsdən bu ərazidə təxribatlar törətməklə məsələni qeyri-obyektiv formada təqdim etməyə cəhd göstərir və təəssüflər olsun ki, bu prosesə münaqişənin dinc yolla həll olunması missiyasını üzərinə götürən, obyektivlik nümayiş etdirməyə borclu olan beynəlxalq qurumları da öz mövqeyindən çıxış etməyə təhrik edir.
Ölkə.Az
Türkiyədən Qarabağ jesti
Türkiyə Təhsil Nazirliyi əyalətlərdəki təhsil idarələrinə erməni liseylərinin şagirdləri ilə bağlı göstəriş verib.
Nazirlik Ermənistana gedən Türkiyədə olan erməni liseylərinin şagirdlərinin Dağlıq Qarabağa getməməsi barədə xəbərdarlıq edib.
Göstərişdə bildirilir ki, Ermənistanda keçirilən Ümum erməni oyunlarında iştirak etmək üçün Türkiyədən gedən qrupa Dağlıq Qarabağda keçirilə biləcək istənilən mərasimə qatılmağı qadağan edilir.
Qeyd edək ki, İstanbuldan Ermənistana erməni liseylərinin şagirdlərindən ibarət 3 komanda gedəcək.
Ölkə.Az
Şəhidimiz dəfn olundu — ALLAH RƏHMƏT ELƏSİN
"Vətən uğrunda canından keçdi"
Erməni silahlı bölmələri tərəfindən açılan atəş nəticəsində şəhid olmuş Azərbaycan Ordusunun əsgəri, 1995-ci il təvəllüdlü Rüstəm İzzət oğlu Əzizov bu gün doğulduğu Astara rayonunun Tükəş kəndində torpağa tapşırılıb.
Ölkə.Az xəbər verir ki, apa-nın cənub bürosunun məlumatına görə, dəfn mərasimində R.Əzizovun qulluq etdiyi hərbi hissənin əsgər və zabitləri, Astara Rayon İcra Hakimiyyətinin, hüquq-mühafizə orqanlarının, həmçinin rayon ictimaiyyətinin nümayəndələri iştirak ediblər.
Mərasimində çıxış edənlər şəhidin Vətən uğrunda canından keçdiyini, əbədiyyətə qovuşduğunu bildirərək onun ailəsinə dərin hüznlə başsağlığı veriblər.
Şəhid R. Əzizov əsgəri ehtiram ənənələrinə uyğun olaraq yaylım atəşləri altında son mənzilə yola salınıb.
Qeyd edək ki, noyabrın 20-də saat 12.45 radələrində ermənilərin atəşkəsi pozması nəticəsində cəbhənin Ağdam bölgəsində "N" saylı hərbi hissədə xidmət edən Azərbaycan Silahlı Qüvvələrinin əsgəri, 19 yaşlı Rüstəm Əzizov döyüş postunda ikən düşmən gülləsinə tuş gəlib. Nəticədə əsgər aldığı güllə yarasından şəhid olub. R.Əzizov həqiqi hərbi xidmətə Astara rayonundan çağırılıb. O, 2015-ci ilin yanvar ayında tərxis olunmalı idi.
Ölkə.Az
"Vertolyotun düşdüyü əraziyə yaxınlaşa bilmirik"
"Hələ də Azərbaycan tərəfindən Qarabağda vurulan vertolyotun düşdüyü əraziyə yaxınlaşmaq mümkün olmayıb."
Bu barədə Ermənistanın Müdafiə Nazirliyinin mətbuat katibi Artsrun Ovannisyan bildirib.
Onun sözlərinə görə, ATƏT vertolyotun vurulduğu ərazidə monitorinq keçirməyə məcburdur. Əks təqdirdə, ümumiyyətlə monitorinqin keçirilməsinin heç bir mənası və əhəmiyyəti yoxdur.
Ümumiyyətlə. son vaxtlar ermənilər belə açıqlama ilə ATƏT-i hədəf alaraq, bu təşkilatı günahlandırır. Təbii ki, bunun heç bir əsası yoxdur. Yəqin ki, ATƏT rəsmilərində belə bir sual yaranır: "Ay ermənilər, hər gün qəhrəmanlıqdan, qələbədən dəm vurursunuz. Hərbi təlimlər keçirir, dünyaya olmayan gücünüzü nümayiş etdirir, havadarlarınızın köməyi ilə torpaq işğal edirsiniz. Əgər, bu qədər gücə sahibsinizsə, nə üçün vertolyotun vurulduğu əraziyə gedə bilmirsiniz?"
Ermənistan rəsmilərinin belə acizanə açıqlamaları yalanı həqiqət kimi dünyaya təqdim etməklə nəyə nail olmaq dövrünün başa çatdığını, eləcə də ölkənin hərbi gücünün nə qədər zəif olduğunu göstərir.
Xatırladaq ki, noyabrın 12-də Ermənistana məxsus Mi-24 döyüş helikopteri Ağdamda mövqelərimizə hücuma cəhd etdiyi üçün vurulub. Azərbaycanın işğal olunmuş ərazilərində döyüş uçuşları keçirərkən məhv edilən hərbi helikopter Ermənistan Silahlı Qüvvələrinin İrəvan yaxınlığındakı "Erebuni" hərbi aerodurumunda dislokasiya olunan 15-ci helikopter bazasına məxsusdur.
Ölkə.Az
Türkiyə səfirindən Ermənistan helikopterinin vurulmasına reaksiya
Azərbaycan və Ermənistan qoşunlarının təmas xəttində hadisələrin necə cərəyan etməsi ilə yanaşı, problemin ozünün hələ də həll edilməməsi məsələsi də araşdırılmalıdır
Bunu Türkiyənin Azərbaycandakı səfiri İsmayıl Alper Coşqun Azərbaycanın işğal olunmuş ərazilərində Ermənistana məxsus hərbi helikopterin vurulması ilə bağlı jurnalistlərə açıqlamasında bildirib.
Səfirin sözlərinə görə, son insident bir daha sübüt edir ki, münaqişə mümkün qədər tez həll olunmalıdır: "Hadisələrin necə cərəyan etdiyinə və sair baxıla bilər. Amma əsas məsələ odur ki, Azərbaycan torpaqları niyə hələ də işğal altındadır? Hadisələrin necə cərəyan etməsi ilə yanaşı, problemin ozünün niyə hələ də davam etməsi məsələsi araşdırılmalıdır. Türkiyənin hər zaman Azərbaycanın yanında olacağı aşkardır".
Ölkə.Az
ATƏT cəbhədə gərginliyi araşdıracaq
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq noyabrın 18-də Ağdam rayonunun Mərzili kəndi yaxınlığındakı qoşunların təmas xəttində monitorinqin keçirilməsi planlaşdırılır
Ölkə.Az-ın Müdafiə Nazirliyinin saytına istinadən verdiyi məlumata görə, monitorinqi Azərbaycan tərəfdən ATƏT-in fəaliyyətdə olan sədrinin şəxsi nümayəndəsinin səhra köməkçiləri Jiri Aberle, Saymon Tiller, Piter Svedberq və Yüksək səviyyəli planlaşdırma qrupunun rəhbəri polkovnik Markus Uidmer (İsveçrə) keçirəcəklər.
Təmas xəttinin qarşı tərəfində isə monitorinqi ATƏT-in fəaliyyətdə olan sədrinin şəxsi nümayəndəsi Anjey Kasprşik, onun səhra köməkçiləri Xristo Xristov, Yevgeni Şarov və Yüksək səviyyəli planlaşdırma qrupunun nümayəndəsi Vitaliy Belokon (Rusiya) keçirəcəklər.
Ölkə.Az
Telekanallar Obamanı məyus etdi
"Telekanalların bu qərarı təəssüf hissi doğurur"
Ölkə.Az xəbər verir ki, ABŞ-ın ABC, NBC və CBS telekanalları prezident Barak Obamanın immiqrasiya sistemindəki islahatı haqqında nitqini canlı yayımlamaqdan imtina ediblər. Ağ Ev bu qərara görə təəssf hissini ifadə edib.
"İngilis dilində yayımlanan telekanaların bu qərarı təəssüf hissi doğurur", - deyə, Ağ Evin nümayəndəsi Coş Ernest bəyan edib.
Ölkə administrasiyası Obamanın nitqinin telekanalların ən qızğın saatlarının canlı efirində yayımlanacağını gözləyirdi. Lakin CBS Obamanın çıxışını ümumiyyətlə canlı yayımlamaqdan imtina edib. NBC isə prezidentin çıxışını yalnız kabel yayımı ilə xidmət göstərən MSNBC xəbər kanalında yayımlayıb. ABC telekanalı ümumiyyətlə bu çıxışın yayımını həyata keçirməyib. Bununla yanaşı, CNN, FOX-News, PBC və ispandilli Univision və Telemundo kanalları Obamanın çıxışını efirə veriblər.
Rəşid Mustafazadə
Ölkə.Az
