Dövlət qulluğu ilə bağlı ödənişli xidmətlərin qiymətləri müəyyən edildi
Tarif (qiymət) Şurasının Katibliyindən Ölkə.Az-a verilən məlumata görə, dəyişiklik Dövlət İmtahan Mərkəzinin müraciəti və təklifləri nəzərə alınmaqla edilib. Qərar 2017-ci ilin 23 may tarixində Tarif (qiymət) Şurasının növbəti iclası zamanı qəbul edilib.
“Dövlət İmtahan Mərkəzinin müraciəti və təklifləri nəzərə alınmaqla dövlət qulluğu ilə bağlı ödənişli xidmətlərin tarifləri Azərbaycan Respublikası Nazirlər Kabinetinin 2017-ci il 10 mart tarixli Qərarı ilə təsdiq edilmiş “Dövlət qulluğuna qəbul, dövlət qulluğunda fəaliyyətin davam etdirilməsi və dövlət qulluğu vəzifələrinin tutulması məqsədi ilə keçirilən test imtahanları üçün test nümunələrinin hazırlanması, ekspertizası, təsdiqi, test imtahanının təşkili, keçirilməsi, qiymətləndirmənin aparılması Qaydası”na əsasən təsnifatlaşdırılmış 7 qrup üzrə 10-110 manat arasında müəyyənləşdirilib”, - deyə məlumatda bildirilib.
Ziya Səccad
Ölkə.Az
