"Səni Axtarıram" verilişinin fəaliyyəti bərpa edildi
ATV kanalında yayımlanan "Səni Axtarıram" verilişinin az öncə yayımı yarıda kəsilib.
Ölkə.Az xəbər verir ki, ölkəmizdə ən çox izlənilən, bir çoxları tərəfindən isə kəskin tənqid edilən, aparıcılığını Xoşqədəm Hidayətqızının etdiyi "Səni Axtarıram" verilişi bu gün saat 22:00-da başlamasına baxmayaraq 22:45-dən etibarən yayımı dayanıb. ATV kanalında alt yazı olaraq "Verilişin texniki səbəblərə görə dayandığı" yazılsa da bu istər istəməz sual doğurur. Verilişin canlı yayımlanmadığını nəzərə alsaq və son kadrlarda bir qadının üzündən getməsinin efirdə dəfələrlə reklam olunması "yuxarıların" müdaxiləsinin olduğu şübhəsini yaradır.
Hər halda verilişin bu günkü buraxılışının yarımçıq qalması səbəbini sabah dəqiqliklə öyrənməyə çalışacağıq.
23:00
Onu da qeyd edək ki, hal-hazırda verilişin yayımı bərpa olub.
Ölkə.Az
