Dolu Qəbələyə ciddi ziyan vurdu
Dolu, güclü külək və leysan Qəbələdə də fəsadlar törədib.
Ölkə.Az ARB TV-ə istinadən xəbər verir ki, rayonun Mıxlıqovaq, Xırxatala, Tikanlı, Bum qəsəbəsinə, Həmzəli, Qəmərvan kəndlərində 20 dəqiqəyə yaxın davam edən dolu kənd təsərrüfatına ziyan vurub.
Eləcə də evlərin damına ziyan dəyib. Ağacların iri budaqlarını qırılaraq elektrik naqillərinin üstünə və avtomobil yollarına aşıb, bəzi kəndlərə elektrik enerjisinin verilişində fasilələr yaranıb. Çaylarda suyun səviyyəsi artıb, bəzi həyətyanı sahələri, yolları su və lil basıb.
Rəsul Rəsulov – Sakin: “Axşam saat 7 olardı. Güclü tufan gəlib, ağacı aşırdı damın üstünə. Güclü leysan yağdı. Evlərin hamısı suyun içindədir, nə varsa islandı. Özümüz həyətdə idik ağac aşanda”.
Hazırda dəyən ziyan araşdırılır.
