Polisin avtomobili vuruldu
Bakı-Quba yolunun Binəqədi rayonu ərazisindən keçən hissəsində Post Patrul Xidməti (PPX) avtomobilinin də olduğu yol-nəqliyyat hadisəsi baş verib.
"Ölkə.Az" Report-a istinadən xəbər verir ki, "60-BL-368" dövlət qeydiyyat nişanlı “Opel” markalı avtomobil qarşıda gedən Binəqədi Rayon Polis İdarəsinin 6-cı Polis bölməsinə məxsus “99-AP-609” dövlət qeydiyyat nişanlı “Fiat” markalı nəqliyyat vasitəsinə çırpılıb.
Yol qəzası nəticəsində xəsarət alan olmasa da, avtomobillərə ziyan dəyib.
Qəza “Opel” sürücüsünün avtomobili yuxulu vəziyyətdə idarə etməsi nəticəsində baş verib. Hadisə zamanı “Fiat”ın sürücüsü də sərxoşluğun yoxlanılması üçün müvafiq məntəqəyə aparılıb. Avtomobildə bir kişi sürücü və bir qadın sərnişin olub.
