"Metropark"da "bomba" həyəcanı: "telefon terrorçusu" axtarılır

Səbəb isə binaya partlayıcı qurğu yerləşdirilməsi barədə zəng olub.

Ölkə.Az Sputnik Azərbaycan-a isdtinadən bildirir ki, hüquq-mühafizə orqanlarından verilən məlumata görə, anonim zəng bu gün 18.00 radələrində şəhərdəki taksofonların birindən edilib. Ərazini yoxlayan mütəxəssislər şübhəli heç nə aşkar etməyiblər. Hazırda "telefon terrorçusu"nun axtarışları davam etdirilir.

***

Bakının Nərimanov  metrosu  yaxınlığında yerləşən Metropark Ticarət Mərkəzi qarşısına polis və Fövqəladə Hallan Nazirliyinin əməkdaşlarının cəlb olunmasının səbəbi aydınlaşıb.

Ölkə.Az xəbər verir ki, Avropa.info-nun ərazidə olan əməkdaşının polisdən aldığı məlumata görə, Metropark Ticarət Mərkəzinin təhlükəsizliyi test edilir. “Heç bir qorxulu hadisə baş verməyib.”

Qeyd edək ki, Metropark Ticarət Mərkəzi qarşısına polis və Fövqəladə Hallan Nazirliyinin əməkdaşları cəlb olunub. Ticarət mərkəzinə giriş-çıxışlar bağlanıb, mərkəzdə çalışanlar bayıra çıxarılıb.

***

Ölkə.Az xəbər verir ki, Şahidlər tərəfindən “Qafqazinfo”ya verilən məlumata görə, ticarət mərkəzinin işçiləri evə yola salınıb. Bununla yanaşı, “Metropark”ın ətrafında hüquq-mühafizə xidmətinin əməkdaşları, eyni zamanda Fövqəladə Hallar Nazirliyinin nümayəndələri toplaşıb. 

Mərkəzin boşaldılmasının səbəbi nə işçilərə, nə də müştərilərə açıqlanmır.