Deputat köməkçiləri arasında fərqlənən şəxsə təşəkkür elan edilib
Azərbaycan Respublikası Milli Məclis Aparatinin Deputat köməkçiləri ilə iş sektorunun müdiri Elşad İsmayılov və həmin sektorun baş məsləhətcisi Elnarə Cələbiyeva tərəfindən Gəncə şəhərində və ətraf rayonlarda aparılmış monitorinqin nəticələrinə əsasən bu qənaətə gəlinib
Milli Məclis Aparatının rəhbəri Səfa Mirzəyev deputat köməkçiləri arasında fəaliyyətinə görə fərqlənən şəxsə rəsmi təşəkkür elan edib.
Yeni Azərbaycan Partiyası (YAP) Gəncə şəhər təşkilatından verilən məlumata görə, fərqlənən şəxs təşkilatın sədri, deputat Naqif Həmzəyevin köməkçisi Tural Verdiyevdir.
T. Verdiyev parlament deputatının ofis işinin təşkil və təmin olunmasında fəaliyyətinə və peşəkarlığına, əmək vəzifələrinin yüksək səviyyədə yerinə yetirdiyinə görə təşəkkürə layiq görülüb.
Məlumatda T. Verdiyevin deputat Naqif Həmzəyevin hər həftə YAP Gəncə şəhər təşkilatında keçirdiyi seçici qəbulunda vətəndaşlar tərəfindən edilən müraciətlərin qəbulu, qaldırılan problemlərin vaxtında həll edilməsi, araşdırılması və ya aidiyyəti üzrə digər dövlət orqanlarına yönləndirilməsi istiqamətində göstərdiyi fəaliyyətdə fərqləndiyi bildirilir.
Ölkə.Az
