"Rabitə işi" üzrə məhkəmə təxirə salındı
"Ölkə.Az"ın APA-ya istinadən məlumatına görə, prosesə sədrlik edən hakim Əfqan Hacıyev bildirib ki, “Bakı Rabitə Təmir Tikinti” və “Təmir Təchizat Servis” MMC-lərinin sabiq direktoru, təqsirləndirilən Bayram Vəliyev səhhətində yaranan problemə görə, məhkəməyə gətirilməyib: "Bizə bildirdilər ki, onun şəkəri qalxıb, özünü pis hiss edir. Buna görə biz iclası təxirə salırıq".
Məhkəmə prosesi iyunun 21-də davam etdiriləcək.
Qeyd edək ki, dövlət ittihamçısı təqsirləndirilən V. Zeynalovun 14 il, B. Hüseynovun 15 il, A. Mustafayevin 8 il, Q. Bəybalayevin 10 il, E. Məmmədovla N. Məmmədovun hər birinin 12 il müddətinə azadlıqdan məhrum edilməsini istəyib. O, təqsirləndirilən şəxslərdən M. Məmmədov, C. Cəfərov, S. Hümbətov, B. Vəliyev və O. Rüstəmovun isə hər birinin 5 il 11 ay 11 gün müddətinə şərti olaraq azadlıqdan məhrum olunmalarını istəyib.
Prokuror xahiş edib ki, təqsirləndirilən şəxslərin üzərinə həbs qoyulan əmlakları dəymiş ziyanın ödənilməsinə yönləndirilsin və həmin əmlakların üzərindən həbs götürülməsin.
