\"Qərbdə 80% jurnalist problemlərə görə jurnalistikadan getmək istəyir\"

"Ölkə.Az" xəbər verir ki, ikinci sessiyada Əmək standartları və sosial dialoq, kollektiv sövdələşmələrdən bəhs edildi.

Orta Asiya və Güney Qafqaz Söz Azadlıq şəbəkəsinin rəhbəri Azər Həsrət söz aldı. Azər Həsrət bildirdi ki, KİV-də demək olar ki, kollektiv müqavilələr yoxdur.

Azər Həsrət Avropa Jurnalistlər Federasiyasından Mehmet Köksala verdi. Mehmet Köksal Avropada jurnalistlərin həmkarlar hərəkatına baxış, əmək hüquqları və onların qorunmasından danışdı. Mehmet Köksal təmsil etdiyi təşkilat haqqında məlumat verərək, bildirdi ki, təşkilata üzv olan ölkələrdəki problemləri həll etməyə çalışırıq:

"Əsas məsələ odur ki, niyə jurnalistsiniz? Ev almaq üçün jurnalist olursunuz? Jurnalistlərin əsas işi xalqa xidmət etməkdir. Harada jurnalistlər azaddır və hüquqlarından istifadə edə bilirsə orada da media güclü olur. Əsas məsələ jurnalistlərin təhlükəsizliyidir. Buradakı çıxışları izlədim, bildirim ki, hər bir ölkədə, hətta Belçika və Fransada da Azərbaycandakı problemlər var - maaşların az yazılması, çox işləməsi, stress altında işləmək. Qərbdə 80% jurnalist bu problemlərə görə jurnalistikadan getmək istəyir. Bu məsələlərin həlli üçün həmkarlar təşkilatları güclü olmalıdır. Hər bir mediada həmkarlar təşkilatı olmalıdır. Əgər yoxdursa da, media qurumunda həmkarlar təşkilatı ilə əlaqəli olan bir nəfər olmalıdır".

Səxavət Məmməd
Ölkə.Az