Moskva aeroportlarından Bakıya uçan təyyarə reysləri gecikəcəkmi?

“Ölkə.Az” xəbər verir ki, bu barədə Rusiya mətbuatı məlumat yayıb. Yayılan informasiyaya görə, Moskva vilayətində güclü qasırğa, daşqın baş verib. Ərazidə gün ərzində durmadan şimşək çaxıb.

Baş verən təbiət hadisəsi nəticəsində Moskva aeroportlarında 40-dan çox təyyarə reysləri gecikəcək və ləğv edilib. 

Gecikən və təxirə salınan uçuşlar arasında Bakı reysinin olub olmadığını dəqiqləşdirmək üçün Heydər Əliyev Beynəlxalq Hava Limanı ilə əlaqə saxladıq.

Heydər Əliyev Beynəlxalq Hava Limanının informasiya şöbəsindən Ölkə.Az-a bildiriblər ki, Moskvadan Bakıya gələcək reyslərinin təxirə salınması barədə Moskvadan heç bir məlumat verilməyib.

“Moskvadan Bakıya gələcək reyslərinin təxirə salınması barədə heç bir xəbər verilməyib. Bu səbəbdən də, uçuşlar baş tutacaq. Bu gecə Vnukovo aeroportundan Bakıya gələcək təyyarə 23:30-da, Domodedovo saat 03:25-də, Şeremetova Hava Limanından isə 04:10-da çatmalıdır”, - deyə məlumat verilib.

Ziya Səccad
Ölkə.Az