Polad Bülbüloğlu: "Qarabağ münaqişəsinin həlli üçün konkret addımlar atılmalıdır"

"Ölkə.Az" xəbər verir ki, Azərbaycanın Rusiyadakı səfiri Polad Bülbüloğlu "TASS" agentliyinə müsahibə verib. Səfir Azərbaycan və Rusiya münasibətlərindən, bu sənədin vacibliyindən və qarşılıqlı münasibətlərin dinamikasından bəhs edib.

Polad Bülbüloğlu jurnalistin "19 iyun tarixində Minsk qrupunun həmsədrləri Bakıya səfər etdilər. Görüş nəticələrinə əsasən beynəlxalq vasitəçilər konfliktin həlli üçün danışıqları bərpa etməyin lazım olduğu barədə bəyanatla çıxış etdilər. Fikrinizcə, bu format effektlidirmi? Azərbaycan tərəfi konfliktin həlli üçün hansı variantları görür?"-sualını belə cavablandırıb:

"BMT-nin Təhlükəsizlik Şurasının üç daimi üzvünün daxil olduğu format kifayət qədər ciddi görünür. Məhz bu ölkələr on illər ərzində qazanılmış böyük siyasi çəkiyə və buna uyğun təcrübəyə malikdirlər. Rusiya isə Cənubi Qafqaz regionuna təkcə coğrafi yaxınlığı ilə yox, eyni zamanda yaxın tarixi bağlar ilə bağlanmış dövlətdir. Amma 1997-ci ildən fəaliyyət göstərən Minsk qrupunun üçlü həmsədrlərinin bu vaxta qədər konkret nəticə əldə etməyini görmürük.

Azərbaycan tərəfi daim qeyd edir ki, münaqişənin həlli üçün dəqiq addımların atılmasının vaxtıdır. Mövcud status-kvo Azərbaycan ərazilərinin işğalının davam etməsidir, bu isə qəbuledilməzdir. Minsk qrupu həmsədrləri 2009-2013-cü illərdə buna işarə edirdilər. 

Substantiv danışıqları bərpa etmək lazımdır. Real nəticələr əldə etmək lazımdır. Bunun üçün isə siyasi iradə lazımdır. Yenə də qeyd edirəm ki, danışıqlar nəticə verməlidir. Proses yox, nəticə vacibdir".

Hikmət
Ölkə.Az