Leyla Əliyevadan doğum günü ilə bağlı özəl paylaşım

Leyla Əliyeva 3 iyul 1985-ci ildə Moskva şəhərində anadan olub. Onun 32 yaşı tamam olur. 

Leyla Əliyeva 2011-ci ildən Heydər Əliyev Fondunun vitse-prezidentidir. O, 2011-ci il iyulun 4-də Azərbaycan Respublikası Prezidentinin Sərəncamı ilə Azərbaycan diasporunun inkişafı sahəsindəki xidmətlərinə gorə "Tərəqqi" medalı ilə təltif olunub. 

12 iyul 2011-ci ildə Leyla Əliyevanın təşəbbüsü ilə IDEA (Ətraf mühitin mühafizəsi naminə beynəlxalq dialoq) İctimai Birliyi fəaliyyətə başlayıb.

2011-ci ilin oktyabrında Londonda “Baku” jurnalının ingilis dilli versiyasını təqdim edib.

Leyla Əliyeva 3 uşaq anasıdır. Onlar Mikayıl, Əli və Əminədir.

"Ölkə.Az" xəbər verir ki, doğum günü ilə bağlı o,  “Instagram”da ailəsinin arxiv fotoşəklini paylaşaraq “Hamınıza xoşbəxtlik, can sağlığı, bütün arzularınızın yerinə yetməsini və bol-bol sevgi diləyirəm! Çox sağ olun” şərhini yazıb.