\"Ermənilərin bu hərəkəti birbaşa ATƏT-in sifarişi ilə həyata keçirilib\"

Ermənilərin bu təxribatı nəticəsində Alxanlı kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olublar. Atəş nəticəsində qəlpə yarası alan 1965-ci il təvəllüdlü Quliyeva Sərvinaz İltifat qızı xəstəxanaya çatdırılaraq əməliyyata götürülüb.

Ermənilərin bu təxribatı barədə hərbi ekspert Üzeyir Cəfərov "Ölkə.Az"-a danışıb:

"Ermənilərin dünənki təxribatları proqnozlaşdırılan idi. Çünki bu ayın 11-də iki ölkənin - Azərbaycan və Ermənistan xarici işlər nazirləri Avstriyada görüş keçirəcəklər. ATƏT-də çoxdandır çalışır ki, görüntü xatirinə bir iş görmüş olsun. Dünən Alxanlıda baş verən faciə Azərbaycan vətəndaşlarının Cocuq Mərcanlıya qayıtması gününə təsadüf edir. Bir növ ermənilər mülki insanlarda xof yaratmağa çalışırlar. Azərbaycan tərəfi erməniləri ən amansız və sərt şəkildə cəzalandırmalıdır. Azərbaycanın bu gün erməniləri susdurmaq üçün kifayət qədər imkanı var. Hesab edirəm ki, ölkə rəhbərliyi elə bir qərar qəbul etməlidir ki, ermənilər ruslarla, amerikanlılarla bir yerdə Azərbaycana yalvarsınlar".

ATƏT-in problemə yanaşmasına gəldikdə isə hərbi ekspert bildirdi ki, ermənilərin Xocavənd istiqamətində zenit raket kompleksi vurulanda ATƏT öz yaxasını cırırdı:

"Ermənilər qondarma bir video paylaşıblar ki, qondarma "Dağlıq Qarabağ respublikası"nın ordusu Azərbaycanın atəş nöqtəsini susdurub. Ermənidən soruşmaq lazımdır ki, Azərbaycan nə zamandan 18 aylıq körpəni və iki qadını atəş nöqtəsində oturdub? Belə şeyi ancaq şərəfsiz erməni edə bilər. Ermənilər məsuliyyətdən yayınmaq üçün qondarma videonu dövriyyəyə buraxıblar. 18 aylıq bir körpəyə, 2 qadına qəsd edən erməniyə heç bir bəraət ola bilməz. Ordumuz düşməni ən azı 5 qat cəzalandırmalıdır.

Ermənilərin bu hərəkəti birbaşa ATƏT-in sifarişi ilə həyata keçirilib. Bunu tam məsuliyyətimlə deyirəm və o yaramaz üçlüyə də sübut edə bilərəm ki, onların tək istəyi mənasız danışıqların davam etdirilməsidir".

Səxavət Məmməd
Ölkə.Az