“VAG” Avto Klub Uşaq Sığınacağını ziyarət etdi

Bu dəfə klub üzvlərinin yığıncağı uşaq sığınacağına köməklik məqsədi daşıyırdı.

Klub üzvləri Bakı şəhəri 6-cı mikrorayonda yerləşən Uşaq Sığınacağı Reinteqrasiya Mərkəzini ziyarət etdilər. Klub üzvlərinin təşəbbüsü ilə həyata keçirilən bu sosial yardım Mərkəzdə hal-hazırda olan uşaqların sevinclərinə sahib oldu

Uşaq Sığınacağı Reinteqrasiya Mərkəzinin koodinatoru Vasif Akifli ilə müsahibə zamanı hər kəsə məlum oldu ki, sığınacaqda yerləşdirilən hər bir uşağa böyük bir diqqət var. Yalnız xeyirxah insanların onlara maddi və mənəvi dəstəyinə hər zaman ehtiyac duyulur. 

Qeyri-hökümət təşkilatı tərəfindən idarə edilən bu mərkəzə hər bir şəxsin az da olsa müəyyən ehtiyacları qarşılamağa cağırırıq.

Qeyd edək ki, VAG Avto Klub – Volkswagen, Audi, Porshce, Seat, Skoda, Bentley və s. markalı həvəskar avtomobil sahiblərinin klubudur. Klub üzvlərinin sayına görə Azərbaycan avtomobil həvəskarları klubları arasında ən böyük klublardan biridir.

Ölkə.Az