Həftənin icmalı
Roma papasını İslama dəvət etdilər
Türkiyədə səfərdə olan Roma Papası rəsmilərlə yanaşı ölkənin Ali dini rəhbəri Mehmət Görməz ilə görüşüb.
Ölkə.Az-ın ans tv-yə istinadən məlumatına görə, paytaxt Ankarada baş tutan görüşdə tərəflər dünyaya sülh ismarıcı göndəriblər. Türkiyənin Ali dini rəhbəri Mehmət Görməz çıxışı zamanı İslam adı altında zorakılıq törədənləri tənqid edib.
“Bunu açıqca ifadə etmək istəyirəm ki, bir sülh çağışçısı olan İslam dinə tamamilə zidd olan bir yola qurşanaraq şiddət və vəhşilik törədənlər, özlərinə hər nə adlandırmalarına baxmayaraq, Allaha üsyan edirlər-deyə Mehmət Görməz bildirib.
Vatikan rəsmisi isə fundamental dini təlimlərdən irəli gələn zorakılıqlara son qoymaq məqsədilə xristianlar, müsəlmanlar və digər din mənsubları arasında dialoqların keçirilməsinə çağırış edib.
“Mən, xüsusilə, xristianların və yezidilərin etnik və dini mənsubiyyətinə görə qeyri-insani davranışlara, zorakılığa məruz qalmasından narahatam. Onlar öz həyatlarını xilas etmək naminə hər şeylərini tərk etdilər. Zorakılıqlara dini müstəvidə haqq qazandıranlar, şiddətlə təndiq olunmalıdırlar, çünki qadir tanrı asudə həyat və sülh tanrısıdır”- deyə Roma Papası Fransiskin qeyd edib.
Görüş zamanı maraqlı hadisə baş verib. Belə ki, türkiyəli ilahiyyatçı Cübbəli Əhməd Roma Papasını İslama dəvət edərək, ona müsəlman olmasını təklif edib.
Oqtay Əsədovdan Avropa parlamentinə sərt tənqid
Milli Məclisin spikeri Oqtay Əsədov Avropa Parlamentinin (AP) rəhbəri Martin Şultsun Azərbaycanda insan hüquqları ilə bağlı tənqidi fikirlərini əsassız hesab edir.
Milli Məclisin bu gün keçirilən plenar iclasında O.Əsədov qeyd edib: "Birinci Avropa İttifaqının tərkibindəki dövlətlərə, orada olan antisemitizmə, diskriminasiyaya, orada olan miqrantlara münasibətə baxsınlar. Başqa ölkələrdə polis əməkdaşlarının apardığı qəddarlığa baxsınlar. Bunların başqa işləri-gücləri yoxdur. Avropada bir neçə müsəlman ölkəsi var, bütün diqqətlərini cəmləyib onlara qarşı şərləmə işləri ilə məşğuldular. Bunlar artıq açıq yalan danışmağa başlayıblar. Cənab Şults deyir ki, guya Azərbaycan dövlətinə müraciət edib ki, Leyla Yunusun məsələsi ilə əlaqədar Azərbaycana parlament qrupu gəlsin. Amma tam yalandır. Nə Milli Məclisə, nə Azərbaycan hökumətinə heç bir müraciət olunmayıb. Hətta biz bilən məlumata görə, onlar heç qrup da təşkil edə bilməyiblər”.
O.Əsədov deyib ki, Avropa Parlamenti kimi mötəbər bir təşkilatın iclasında açıq yalan demək heç bir siyasi xadimə hörmət gətirmir: “Biz necə münasibət görürük, elə də münasibət göstərəcəyik”.
Saakaşvilini qətldə ittiham etdilər
Saakaşvilinin sözügedən cinayətə aidiyyatı sübut olunub.
Ölkə.Az TASS agentliyinə istinadən xəbər verir ki, Gürcüstanın Baş prokurorluğu ölkənin keçmiş prezidenti Mixail Saakaşvilini bank işçisini qətlə yetirilməsi işi üzrə ittiham edib. İddiaya görə, Saakaşvili 2006-cı ildə Sandro Qirqvliani adlı bank işçisinin qətlində günahkardır.
Prokurorluğun bəyanatında bildirilir ki, Saakaşvilinin sözügedən cinayətə aidiyyatı sübut olunub.
"İnsan haqları üzrə Avropa Məhkəməsinin tövsiyələri əsasında aparılmış təhqiqat zamanı törədilmiş cinayətin sistem xarakterli olduğu müəyyən edilib və söhbət sistemli cinayətdən gedir", - deyə, sənəddə qeyd olunur.
Xatırladaq ki, keçən ay Gürcüstanın sabiq baş naziri Vano Merabişvili S. Qirqvlianinin qətli ilə bağlı cinayət işi üzrə 3 il həbs cəzası almışdı.
Neftin qiyməti 68 dollara düşdü
Nyu-York birjasında WTI markalı neftin bir barelinin qiyməti 68 dollara düşüb.
Ölkə.az Nyu-York birjasının rəsmi saytına istinadən xəbər verir ki, dünəndən bu günə neftin qiyməti birdən-birə 5,03$ düşərək 68,66 sent olub.
Birjalardakı çalxalanmanın davam edəcəyi proqnozlaşdırılır.
Xatırladırıq ki, OPEC-in hasilatı azaltmaq üçün aldığı qərar belə neftin qiymətinin düşməsinin qarşısını ala bilmədi. hazırda Brent markalı neftin bir barelinin qiyməti isə London birjasında 72,58$-dır.
"Facebook"da növbəti dəyişiklik
2015-ci ildə “facebook” sosial şəbəkəsində bir çox dəyişikliklər olacaq.
Şirkət istifadəçilər arasında sorğu keçirib. İstifadəçilərin ən çox şikayət etdiyi sistem reklamların sayının artıq olmasıdır. Belə ki, hər bir istifadəçinin səhifəsinə müxtəlif şirkət və qurumların reklamları göstərilir, lazımsız səhifələr istifadəçi adından bəyənilir.
Rəhbərlik tərəfindən gələn ildən etibarən bu problem aradan qaldıracaq, sosial şəbəkə üzərindən reklamlara məhdudiyyət qoyulacaq.
İlham Əliyev "BBC News"un rəhbərini qəbul etdi
Prezident İlham Əliyev noyabrın 25-də BBC Global News-un baş icraçı direktoru Cim İqanı qəbul edib.
BBC Global News-un baş icraçı direktoru Cim İqan rəhbərlik etdiyi qurumun fəaliyyəti və beynəlxalq əməkdaşlıq sahəsində gördüyü işlər barədə prezident İlham Əliyevə məlumat verib.
O, Azərbaycanın tarixi, mədəni yüksəlişi və ölkəmizdə gedən inkişaf prosesləri barədə dolğun informasiyanın geniş tamaşaçı auditoriyasına çatdırılmasının önəmini vurğulayıb.
Dövlət başçısı Azərbaycanın əldə etdiyi iqtisadi uğurlar, müstəqillikdən sonra sürətli iqtisadi inkişaf proseslərinə nail olunması, ölkəmizdə azadlıq və demokratiyanın təmin edilməsi istiqamətində görülən işlər, Azərbaycanın Avropa İttifaqı ilə əməkdaşlığı, respublikamızın energetika sahəsində qazandığı nailiyyətlər, Ermənistan-Azərbaycan, Dağlıq Qarabağ münaqişəsi barədə danışıb. Prezident İlham Əliyev Azərbaycanın zəngin tarixi, mədəniyyəti, inkişaf prosesləri barədə obyektiv və qərəzsiz informasiyanın çatdırılmasının önəmini vurğulayıb.
Görüşdə əməkdaşlığın perspektivləri ilə bağlı məsələlər ətrafında fikir mübadiləsi aparılıb.
5 rayonun rəisləri dəyişdirildi
Azərbaycanda 5 rayonun polis rəisi dəyişdirilib.
Daxili İşlər Nazirliyindən verilən məlumata görə, daxili işlər naziri, general-polkovnik Ramil Usubovun imzaladığı müvafiq əmrlərlə Balakən rayon Polis Şöbəsinin rəisi Rasim Mustafayev Ağdaş rayonuna, Ağdaş Rayon Polis Şöbəsinin rəisi Telman Ağasıyev Quba rayonuna, Zərdab Rayon Polis Şöbəsinin rəisi Elnur Həsənzadə Balakən rayonuna, Naftalan Şəhər Polis Şöbəsinin rəisi Məmməd Hüseynov isə Zərdab rayonuna polis rəisi təyin ediliblər
İqtidar müxalifətlə dialoqa və əməkdaşlığa hazır olduğunu elan etdi
“Bir qrup müxalifət partiyası iqtidarla görüş istəyib və təbii ki, görüşəcəklər”.
Bunu açıqlamasında Yeni Azərbaycan Partiyasının (YAP)icra katibinin müavini, deputat Siyavuş Novruzov bildirib.
S. Novruzov qeyd edib ki, müxalifətin bir qolu ilə YAP müəyyən məsələlərdə fikir mübadiləsi aparır, görüşləri olur: “Bu, əsasən parlamentdə təmsil olunan partiyalardır. Eyni zamanda YAP-da Prezident Administrasiyasının İctimai-siyasi məsələlər şöbəsinin müdiri Əli Həsənovun rəhbərliyi ilə siyasi partiyalarla əlaqədar komissiya fəaliyyət göstərir ki, bir neçə dəfə əksər siyasi partiyaların iştirakı görüşlər də olub, müxtəlif təkliflər də irəli sürülüb. Bu təkliflər qruplaşdırılıb və onların üzərində hazırda iş gedir. Yeni görüşlərin də olması ilə bağlı məlumat almışam. İqtidar müxalifətlə dialoqa, fikir mübadiləsinə və əməkdaşlığa həmişə hazırdır. Yetər ki, müxalifətin digər qolu da buna hazır olsun”.
İŞİD-ə qəfil hücum: 200 ölü
İngiltərə xüsusi təyinatlıları İŞİD terror təşkilatının 200 döyüşçüsünü öldürüb.
İngiltərə hərbi qüvvələri ABŞ-dan fərqli olaraq bölgədə terror təşkilatına qarşı quru əməliyyatı həyata keçirir. Əsas hədəf terrorçuların məskunlaşdığı yerləri müəyyənləşdirib vurmaqdan ibarətdir.
Daha əvvəl ABŞ və ingilis girovların edamında günahlandırılan "cihadçı Con" ləqəbli döyüşçünün yerini müəyyənləşdirən İngiltərə hərbi qüvvələri bölgədə əməliyyatlar aparır.
İngilis Hava Qüvvələrinə aid pilotsuz təyyarələri isə bölgədəki İŞİD hədəflərinin koordinatlarını komandolara çatdırır. Bölgədəki gizli bazalardan yerləşən komandolar daha sonra vertolyotlarla hədəf bölgəsinə aparılır. Hədəfə yaxın bir nöqtədə buraxılan komandolar, terrorçuların olduğu nöqtəyə gəlir. Daha sonra terrorçulara sürpriz hücum təşkil edilir. Hücum təşkil ediləndən sonra komandolar bölgədən ayrılır.
Hərbi qaynaqlardan bildirilir ki, komandolar bu tərz hücumlarda hər gecə təxminən 8 döyüşçü öldürür. İŞİD son bir ayda bu formada 200-dən çox üzvünü itirib.
Azərbaycanda 6 rayonun prokuroru dəyişdirilib
Ölkə.Az bildirir ki, Baş Prokurorluğun mətbuat xidmətindən apa-nın sorğusuna cavab olaraq bildirib ki, baş prokuror Zakir Qaralovun imzaladığı müvafiq əmrlərlə Baş Prokurorluğun idarə rəisinin müavini Əli Abdullayev tutduğu vəzifədən azad edilərək Zaqatala rayonun prokuroru, Beyləqan rayon prokuroru Muxtar Eminov Göyçay rayon prokuroru, Göyçay rayon prokuroru Fuad Məmmədov Goranboy rayon prokuroru, Saatlı rayon prokuroru Tariyel Ələkbərov Cəlilabad rayon prokuroru, Zəngilan rayon prokuroru Azər Osmanov isə Beyləqan rayon prokuroru vəzifələrinə təyin ediliblər.
Əfqanıstanda qanlı voleybol matçı: 50 ölü
Obama gizli fərman imzalayıb.
Əfqanıstanın şərqində keçirilən voleybol turnirində törədilmiş terror aktında ən azı 50 nəfər həlak olub. Daha 60 nəfər müxtəlif dərəcəli bədən xəsarətləri alıblar.
Ölkə.Az oxu.az-a istinadən xəbər verir ki, bu barədə məlumatı Agence France-Presse agentliyi yayıb.
Terror aktı Paktika əyalətində baş verib.
Partlayıcı qurğunu terrorçu-kamikadze işə salıb. Yerli hakimiyyətin məlumatına görə həlak olanlar əsasən dinc sakinlərdir.
BBC News yazır ki, terror aktı Əfqanıstan parlamentinin ölkə ərazisində 12 minə yaxın xarici hərbçinin qalması barədə səs verməsindən sonra baş verib.
Noyabrın 21-də ABŞ prezidenti Barak Obama gizli fərman imzalayıb. Fərmana Əfqanıstandakı ABŞ qoşunlarının səlahiyyətlərini genişləndirir. Belə ki, Amerika qoşunlarına yaraqlılarla döyüşlərdə bilavasitə iştiraka icazə verilir.
Ölkə.Az
