Daha bir ölkə İŞİD-ə qarşı qoşulur

Suriyaya gedənlər arasında milliyyətcə fin olanlar da var.

Ölkə.Az Finlandiyanın Yle media şirkətinə istinadən xəbər verir ki, ölkə prezidenti Sauli Niiniste Dövlət şurasının xarici siyasət və təhlükəsizlik siyasəti ilə bağlı nazirlər komissiyası ilə birlikdə İŞİD radikal qruplaşmasına qarşı əməliyyatlarda iştirak məsələsi müzakirə edib.

Finlandiyanın Xarici işlər nazirliyinin yaydığı məlumatda göstərilir ki, İŞİD-ə qarşı qoşulma məsələsi barədə yekun qərar bir müddət sonra qəbul ediləcək. Müzakirənin təfərrüatları haqda informasiya az olsa da, məlum olub ki komissiya ilə görüşdə Finlandiyanın İŞİD-ə qarşı İraqın təhlükəsizlik qüvvələrinə yardım etmək məqsədilə təlimlərin keçirilməsi məsələsinə toxunulub. Bununla yanaşı, Finlandiyanın təhlükəsizlik polisinin (SUPO) rəhbəri Antti Pelttari müsahibəsində bildirib ki, 50-dən çox şəxs Suriyada döyüşmək məqsədilə ölkəni tərk edib.

SUPO-nun məlumatına görə, Suriyaya gedənlər arasında milliyətcə fin olanlar da var və onların internet vasitəsilə radikallaşaraq islamı qəbul ediblər.

Rəşid Mustafazadə

Ölkə.Az