Allahşükür Paşazadəyə ilahiyyatçılardan cavab gəldi

Allahşükür Paşazadənin İŞİD-lə bağlı səsləndirdiyi fikrə ilahiyyatçıların cavabı gəlib.

Ölkə.az-a danışan ilahiyyatçılar Allahşükür Paşazadənin fikrinin həqiqətə uyğun olduğunu bildiriblər.

Qamət Süleymanov: "Bu mövzu elə bir mövzudur ki, onun haqqında danışmaq bir az çətindir. Bunu təkcə Allahşükür Paşazadə demir. Ümumilikdə deyilənlərə nəzər salsaq, görərik ki, İŞİD-i həqiqətən də ABŞ yarada bilər. Bu bir az mübahisəli mövzudur".

Elşad Miri: "Allah Şükür Paşazadənin dediklərində həqiqət var, bu inkar olunmaz faktdır. Düşünürəm ki, siyasi məsələlərdə bir neçə ölkənin mənfəəti olmasa, bu cür məsələlər, o cümlədən İŞİD problemi də öz həllini çoxdan tapmışdı".

Xatırladırıq ki, şeyx verdiyi müsahibəsində İŞİD haqqında belə demişdi:

"Bunların yaranmasının da əsasını elə ABŞ özü qoydu. Qərb dövlətləri də burada iştirakçı oldu. Məqsəd bu qruplardan istifadə edib SSRİ-ni dağıtmaq idi və dağıtdılar. Bununla da bu qrupların, onları bürüyən fikirlərin əsası qoyuldu. Ola bilsin, indi İŞİD adlanır, amma o vaxt başqa cür adlanıb, ondan sonra başqa cür, gələcəkdə də başqa cür adlana bilər".

Ölkə.az