Ordumuza 59 milyon yardım

Azərbaycan Respublikasının Silahlı Qüvvələrinə Yardım Fonduna dekabrın 1-dək yığılan vəsaitin həcmi açıqlanıb.

Müdafiə Nazirliyindən Ölkə.Az-a verilən məlumata görə, dekabrın 1-dək fonra 59 milyon 196 min 80 manat, 211 min 791 ABŞ dolları və 593 avro vəsait yığılıb.

Xatırladaq ki, noyabrın 1-i tarixinə bu vəsait 47 586 569 AZN, 211 791 dollar, 593 avro təşkil edib.

Qeyd edək ki, Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli Fərmanı ilə yaradılıb. Fondun maliyyə mənbəyi Azərbaycan Respublikası Silahlı Qüvvələrinin maddi-texniki və sosial bazasının möhkəmləndirilməsinə maliyyə köməyi məqsədi ilə Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.

Ölkə.Az