Ağdam rayon uşaq xəstəxanasında daha bir

Ağdam rayon uşaq xəstəxanasında dərmanlar xəstələrə pulsuz verilmək əvəzinə satılır.

Valideyinlərin aldığı dərmanlar isə xəstəxananın kitabına xəstəxanadan verilmiş kimi yazılır.

Keçən ayın 18-də Ölkə.az-da Ağdam rayon uşaq xəstəxanasındakı qanunsuzluqlar haqqında yazı dərc olunmuşdu. Həmin yazıda rayon sakininin azyaşlı uşağına xəstəxananın baş həkimi Həqiqət Süleymanovanın tapşırığı ilə tibbi yardım göstərilmədiyi barədə oxucularımıza məlumat vermişdik.

Yazı dərc olunduqdan bir neçə gün sonra uşağını Ağdam rayon xəstəxanasına aparan Avdın Zeynalova baş həkim hədə-qorxu gəlmişdi.

Yenə həmin ailənin Ölkə.az-a verdiyi məlumata görə, qaçqınlara pulsuz verilmək üçün Səhiyyə nazirliyindən Ağdam rayon uşaq xəstəxanasına göndərilən dərmanların hamısı əhaliyə pulla satılır. Bu məsələyə etiraz edən valideyinlərlə xəstəxanmanın baş həkimi Həqiqət Süleymanova arasında yenidən münaqişə qızışıb. Xəstəxananın baş həkimi Süleymanova Həqiqət isə hər kəsin qarşısında bildirib rayon uşaq xəstəxanasını "özəlləşdirib" və istədiyini edə bilər.

"Gedin kimə istəyirsiniz şikayət edin, dərmanları pulla satıram, lap əcəb edirəm!", deyə baş həkim qanunsuzluğa etiraz edən valideyinlərə bildirib.

Valideyinlərin verdiyi məlumata görə, Səhiyyə nazirliyindən xəstəxanaya göndərilən dərmanlar xəstəxanın aptekində və Quzanlıdakı apteklərdə satılır. Valideyinləri məcbur edirlər ki, dərmanları pulla alsınlar. Valideyinlərin aldığı dərmanlar isə xəstəxananın qeydiyyat kitabinə "pulsuz verilmiş" kimi işlənir.

Səxavət Məmməd
Ölkə.az