“National Geographic Azərbaycan” jurnalının dekabr sayı artıq satışda

Cəmi 4 manata dünyaca məşhur dərgini əldə edə bilərsiniz.

“National Geographic Azərbaycan” jurnalının dördüncü, yəni dekabr buraxılışı oxucuların ixtiyarına verilib.

Ölkə.Az xəbər verir ki, jurnalın bu sayında Pataqoniyanın vəhşi mal-qara tutan kovboyları - Baqualerolar, İslamdan əvvəlki dövrdə nəbatilərin Mədain-Salehin qayalıqlarında oyduqları sarayabənzər sərdabələr, ABŞ-ın sənaye tullantıları ilə çirklənmiş əraziləri, CAR-ın dəniz canlılarını mühafizə etmək üçün qorunan dəniz zolaqları yaratmaq istiqamətində gördüyü tədbirlər, bircə düymə basmaqla bizə geyim, silah və daha nələr yaratmaq imkanı verən 3D-çap texnologiyası haqqında böyükhəcmli və müxtəlif mövzularda xeyli sayda kiçikhəcmli məqalələri oxuya bilərsiniz.

Ən əsası isə Bakının ingilislər tərəfindən işğalı barədə əcnəbi müxbirin yazısı ilə tanış ola və 1914-1921-ci illərdə çəkilmiş fotoşəkilləri görə bilərsiniz.

Hər zamankı kimi, peşəkar, təsirli və yaddaqalan fotoşəkillər bu sayımızı da bəzəyir.

Xatırladaq ki, dünyaca məşhur “National Geographic” brendi Azərbaycana 2014-cü ilin mart ayında “Garant Media Holding”in təşəbbüsü ilə gətirildi və “National Geographic Azərbaycan” jurnalı ilk buraxılışını sentyabrın 1-də Heydər Əliyev Mərkəzində təntənəli şəkildə təqdim etdikdən sonra dərgi ölkənin bütün satış nöqtələrinə çıxarıldı.

Jurnalı istənilən satış nöqtəsindən ala bilməklə yanaşı, ona həm də abunə olmaq mümkündür.

Dərginin satış qiyməti 4 manat təşkil edir. Bu qiymətə Azərbaycanın istənilən nöqtəsinə çatdırılma da daxildir.

Jurnala 012 563 56 25 (daxili nömrə 302) telefon nömrəsi ilə zəng edib abunə yazılmaq olar.