“Təfəkkür” Universiteti bağlanmayıb
“Ölkə.Az” xəbər verir ki, “Təfəkkür” Universitetinin saytımıza ünvanlanan məktubda deyilir:
“Nəzərinizə çatdırırıq ki, 7.08.2017-ci il tarixində tələbələrin bir ali məktəbdən digərinə köçürülmələri ilə bağlı Təhsil Nazirliyində keçirilən tədbir barədə bəzi saytlar tələbələrin köçürülmə qaydaları haqqında məlumat verərkən, universitetimizin ünvanına güya bağlanmış və ya keçən ilin oktyabırından fəaliyyəti dayandırılmış kimi yalnış, heç bir hüquqi əsası olmayan ifadələr işlətmişlər.
Əfsuslar olsun ki, bu informansiya 8.08.2017-ci il tarixində bəzi mətbu orqanlarında da səslənmişdir. Buda öz növbəsində universitetdə təhsil alan tələbələrdə, onların valideynlərində və eləcədə kollektivdə narazılığa səbəb olmuşdur. Məsələni araşdırmadan, universitetdən məlumat almadan, belə əsassız informasiyaların verilməsi bizdə təəssüf və təəcüb doğurur.
Əvvəla Təfəkkür Universiteti bağlanmayıb və bu barədə universitetin Təsisçilər Şurası heç bir qərar verməmişlər. Universitetin fəaliyyətinə Təhsil qanununa uyğun olaraq hüquqi təminat verən Təhsil Nazirliyi tərəfindən verilmiş lisenziyanın müddəti 2020-ci ilədək etibarlıdır və hazırda da qüvvədədir.
Məlumat üçün Sizə bildiririk ki, “Təfəkkür” universitetində dərslər və imtahan sessiyası qrafikə uyğun olaraq 5.07.2017-ci il tarixinə kimi davam etmiş, Buraxılış Dövlət imtahanları isə 20.07.2017-ci ildə başa çatmışdır. Sizcə keçən ildən fəaliyyəti dayandırılmış təhsil müəssisəsi qeyd olunan bu məsələləri necə həyata keçirə bilərdi?
Hesab edirik ki, qanunun aliliyi hamı üçün mütləqdir və hamımız buna əməl etməliyik. Gələcəkdə belə məlumatları yayarkən “Kütləvi İnformasiya Vasitələri haqqında” Qanuna uyğun olaraq məsələni hərtərəfli aydınlaşdırıb, obyektiv məlumat verməyinizi xahiş edirik”.
