Qəbələdə Arxeoloji Mərkəzi otelə çevirdilər
“Ölkə.Az”-ın məlumatına görə, Mərkəzin ikinci mərtəbəsində qonaqlar üçün nəzərdə tutulan otaqlar hazırda müştərilərə gecəsi 70-120 manat arası qiymətlərə təklif olunur.
Mərkəzin işçiləri ilə söhbət zamanı bildirildi ki, burada iki nəfərlik otağın gecəsi 70 manat, dörd otaqlının gecəsi 90 manat, altı otaqlının gecəsi isə 120 manat təşkil edir.
Adının çəkilməsini istəməyən Mərkəzin işçisi dedi ki, Qəbələ Arxeoloji Mərkəzində hazırda qonaqlar olmadığı üçün boş qalmış otaqlar turistlərə pulla təklif olunur.
Məsələ ilə bağlı Mədəniyyət və Turizm Nazirliyinin informasiya və ictimayyətlə əlaqələr şöbəsinin rəhbəri Vüqar Şıxməmmədov və mətbuat katibi İntiqam Hümbətovla əlaqə yaratmağa çalışsaq da, zənglərimizə cavab verən olmayıb.
Vasif Həsənli
Ölkə.Az
