Bu il Azərbaycanda 2826 məktəbəhazırlıq qrupu yaradılıb
"Bu il Bakı üzrə təşkil olunan məktəbəhazırlıq qruplarında təhsil almaq üçün 9209 nəfər qeydiyyatdan keçib".
"Ölkə.Az" Report-a istinadən xəbər verir ki, bunu Təhsil Nazirliyinin Ümumi və məktəbəqədər təhsil şöbəsinin müdiri Aydın Əhmədov keçirdiyi brifinqdə deyib.
Onun sözlərinə görə, ötən il ölkə üzrə 2795 məktəbəhazırlıq qrupu yaradılıb: "Keçən il 2011-ci ildə anadan olan uşaqların 55%-i bu təhsilə cəlb olunub. Bu il Bakı da daxil olmaqla 65 rayon üzrə 2826 qrupun yaradılması rəsmiləşdirilib".
Nazirlik rəsmisi qeyd edib ki, bu il qruplara cəlb olunma faizinin artacağı gözlənilir: "Uşaqların qruplara qəbulu mərhələləli şəkildə həyata keçirilir. Müəllimlərin seçimində IV sinifdə dərs deyən müəllimlərə üstünlük verilir".
