Bazarkom sahibkarlara "qan uddurur"
Sadıqov Qurban "Ölkə.Az"-a açıqlamasında bildirib ki, bu ilin aprel ayının 8-dən başlayaraq bazar rəhbərliyi ilə aralarında konflikt yaşanıb. Konfiliktin yaşanmasına səbəb sahibkarın bazar rəhbərliyinə etdiyi qanunsuzluqlara qarşı çıxması səbəb olub.
Sadıqov Qurbanın sözlərinə görə bu ilin avqust ayının 9-da Gülnarə Həbibova və qardaşları 100 min manatdan çox dəyərində malını oğurlayıb:
"Bunu Xaçmaz rayon polis şöbəsi, icra hakimiyyəti bilir. Mallardan əlavə 154 min 800 manatlıq nisyə malların siyahısının yazıldığı "qara dəftər"imi götürüblər. Mənim mallarımı və 154 min 800 manatlıq nisyə dəftərimi versinlər. Bundan əlavə 5 700 manat nəğd pulumuz və anamın 40 qramlıq qızıl boyunbağı oğurlanıb".
Bu hadisədən bir neçə gün sonra, daha dəqiqi avqustun 11-də bazar rəhbərliyinin onlara məxsus mağazanın dağıdıldığını deyən Sadıqov Qurban qeyd edib ki, bazardan yeri Gülnarə Həbibovaya 1500 manat pul verərək alıb:
"Hər ay isə 279 manat yer pulu vermişik. Bazar rəhbərliyi isə bunun heç zaman qəbzini onlara təqdim etməyib".
Bundan əlavə Sadıqov Qurban bildirib ki, Gülnarə Həbibovanın qardaşı Fuad onu hədələyir və buna görə də təzyiq altında olduğunu deyib.
Qurbanın anası Sadıqova Cəmilə isə deyib ki, bazar rəhbərliyinin təzyiqi və mağazalarının qarət edildiyinə görə üzərinə benizin tökərək yandırmağa cəhd edib.
"Üzərimə bir butulka benizin tökərək yandırmaq istəyirdim, polis gəlib dilə tutaraq fikirimdən yayındırdı. Bu hadisələrə görə 4 aydır ki, az qala hər gün üstümə həkim gəlir", deyən Sadıqova Cəmilə onlara qarşı olunan bu təzyiqin qarşısının alınması üçün dövlət orqanlarına səslənib.
Xaçmaz rayonunda haqllarının bərpa olmadığını görən ailə çarəni mətbuat konfransı keçirməkdə görüblər.
Səxavət Məmməd
Ölkə.Az
