Qənirə Paşayeva Qurban Qurbanovu belə təbrik etdi

"Ölkə.Az" xəbər verir ki, "Qarabağ" futbol klubunun möhtəşəm qələbəsindən sonra millət vəkili klubun baş məşqçisi Qurban Qurbanova zəng edib. Qənirə Paşayeva Qurbanı həm öz, həm də Azərbaycan xalqı adından təbrik edib.

Millət vəkili bu barədə sosial şəbəkədə status yazıb: "Bir az əvvəl tarix yazan "Qarabağ" futbol klubumuzun baş məşqçisi, əziz qardaşım Qurban Qurbanovla danışdım və həm öz adımdan, həm də insanlarımız adından onu təbrik etdim. Qurban Qurbanov Azərbaycan futbolunun inkişafında misilsiz xidmətlərin müəllifidir. Özünün biliyi, bacarığını oyunculara öyrətmək, klubun inkişafına təkan verməklə yanaşı özünün mənəvi-əxlaqi keyfiyyətləri ilə də bütün oyunçular üçün ən gözəl örnəkdir. Bir az əvvəl özünə də dediyim kimi, dünən axşam bütün azərbaycanlılar duaları ilə onların yanında idi və hər zaman da olacaq. "Qarabağ" öz ətrafında bütün azərbaycanlıları birləşdirən bir klubdur. Onun qələbəsi bütün Azərbaycanın, azərbaycanlıların qələbəsidir. "Qarabağ" dünən axşam tarixi bir mərhələni adladı və ən güclü klubların yarışacağı mərhələyə daxil oldu. "Qarabağ" ölkləmizin təbliğatı baxımından da misilsiz işlər görür. "Qarabağ" klubunun rəhbərləri Abdulvarı Gözəl, Tahir Gözəli, Baş məşqçi Qurban Qurbanovu, bütün oyunçuları və komandaya əziyyət çəkən hər kəsi, klubu xüsusi diqqətdə saxlayan cənab Prezidenti və klubun azarkeşləri ilə olan bütün azərbaycanlıları təbrik edirəm! Bundan sonra "Qarabağ"ın yanında da çox olmalıyıq. Ümid edirəm ki, Qurban müəllimin açıqladığı məsələ kluba bir neçə yaxşı oyunçunun cəlb edilməsi də öz həllini tapacaq və komanda növbəti mərhələdə uğurları ilə yenə də hamımızı sevindirəcək".

Hikmət Həsənov
Ölkə.Az