Sürücülərin diqqətinə: Bu yol bağlıdır
Azərbaycanın strateji yollarından sayılan Bakı-Quba-Rusiya avtomagistralının Xızı rayonu ərazisindən keçən hissəsində nəqliyyatın hərəkəti məhdudlaşdırılıb.
Buna Xızı rayonu, Giləzi qəsəbəsi ərazisində olan hərbi hissənin silah anbarında baş verən partlayiş səbəb olub.
Avtomagistral yalnız yanğınsöndürən və təcili tibbi yardım briqadaları üçün açıqdır.
Xatırladaq ki, hadisə bu gün səhər saatlarında Müdafiə Nazirliyinin N saylı hərbi hissəsində qeydə alınıb.
İndiyə olan məlumata görə həlak olan və xəsarət alan yoxdur.
İnsidentin baş vermə səbəbləri araşdırılır. (oxu.az)
Ölkə.Az
