Bakıda uşağın mədəsindən 20 qəpik çıxarıldı

Bakıda Həsən Əlibəyli adlı 5 yaşlı uşaq 20 qəpik udub. Qəpik 6 gün onun mədəsində qaldığından ağrılar baş verib və valideynləri həkimə müraciət etməli olublar.

Ölkə.Az "Xəzər xəbər"ə istinadən xəbər verir ki, uşağı müayinə edən həkim İlqar Alışov onun mədəsində həqiqətən də 20 qəpik pulun olduğunun şahidi olub. Bundan sonra isə həkim və onun komandası uşağa narkoz verərək qəpiyin çıxarılmasına başlayıblar. Prosesə həkimlər ümumlikdə 5 dəqiqə vaxt sərf ediblər.

Hazırda uşağın vəziyyəti yaxşıdır.