Yevda Abramov: “Heç bir xarici ölkə Azərbaycanın yerini verə bilməz”
“Mən hələ Bakıya qayıtmamışam. Hazırda rayondayam, Bilik Gününü gözləyirəm. Çünki deputat seçildiyim Qubada məktəblərin bir çoxu dərs ilinə hələ hazır deyil”.
Bu fikirləri “Ölkə.Az”-a açıqlamasında Milli Məclisin yəhudi əsilli deputatı Yevda Abramov bildirib.
Y.Abramov yay tətilini Azərbaycanda keçirdiyini də söyləyib:
“Mən heç bir xarici ölkəyə getməmişəm. Bütün vaxtı Qubada olmuşam. Ümumiyyətlə, ezamiyyət olmasa mən xarici ölkələrə getmərəm. Yanımda Nabran, Şahdağ və digər gözəl istirahət yerləri ola-ola mən xarici ölkələrdə nə üçün istirahət etməliyəm? Mən heç vaxtı istirahət üçün xarici ölkələrə getməmişəm. Heç bir xarici ölkə Azərbaycanın yerini verə bilməz”.
Vasif Həsənli
Ölkə.Az
