Komitə sədri: “Son təxribatı ilə Ermənistan bir daha faşist siyasətini yürütdüyünü dünyaya sübut etdi”
Bunu “Ölkə.Az”a açıqlamasında Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov deyib.
Komitə sədri bildirib ki, əgər Ermənistan faşist ideologiyasına əsaslanan təcavüzkar siyasət yürütməsəydi təcavüzə son qoyaraq Qarabağ münaqişəsinin danışıqlar yolu ilə həlli istiqamətində konkret addımlar atardı: “Amma faşizmi dövlət siyasətinin əsas prioritetinə çevirən Ermənistan tərəfi danışıqlardan ancaq və ancaq imitasiya məqsədi üçün istifadə etməklə, işğalçılıq siyasətini möhkəmləndirməyə çalışıb. Bununla yanaşı, Azərbaycanın işğal olunmuş ərazilərində təcavüzkar Ermənistanın Dağlıq Qarabağ və ətraf 7 rayonda qeyri-qanuni fəaliyyəti, xüsusilə qanunsuz məskunlaşdırma siyasətinin aparılması və demoqrafik tərkibin qəsdən dəyişdirilməsi, Azərbaycan xalqına məxsus maddi-mədəni irsin talan edilməsi 30 ildir ki, dünya ictimaiyyətinin gözü qarşısında baş verir. Son vaxtlar Ermənistan rəhbərliyinin və erməni lobbisinin regiondakı vəziyyətdən məqsədyönlü şəkildə istifadə edərək bəzi Yaxın Şərq ölkələrindəki (Suriya, Livan və s.) erməni əsilli əhalinin Azərbaycanın işğal olunmuş Dağlıq Qarabağ regionunda və ətraf bölgələrdə qanunsuz məskunlaşdırma siyasəti beynəlxalq hüququn bütün prinsiplərinə ziddir. Azərbaycan Prezidenti cənab İlham Əliyev də dəfələrlə beynəlxalq tribunalardan, o cümlədən BMT tirubunasından Ermənistanın faşist siyasətini yürütməsini dünya birliyinin diqqətinə çatdıraraq ifşa edib. Azərbaycan Prezidenti İlham Əliyev 2019-cu ildə Aşqabad şəhərində MDB Dövlət Başçıları Şurasının məhdud tərkibdə iclasında çıxışında Ermənistanda faşizmin qəhrəmanlaşdırılmasını xatırladaraq qeyd edib ki, MDB məkanında, o cümlədən Ermənistanın əvvəlki hakimiyyəti Yerevanın mərkəzində faşist cəllad və satqın, alman faşistlərinə Qaregin Njde ləqəbi ilə xidmət etmiş Qaregin Ter-Arutyunyana heykəl qoyub. Prezident İlham Əliyev işğalçı Ermənistanın faşist ideologiyasını dövlət siyasətinə çevirdiyini diqqətə çatdıraraq bir daha həm Rusiya ictimaiyyətinə, həm də dünyaya bəyan etdi ki, 2016-cı ildə Ermənistan paytaxtının mərkəzində abidə qoyulub və Ermənistanın yeni hakimiyyəti bu heykəli sökməyib. Bu baxımdan, MDB məkanında faşizmin qəhrəmanlaşdırılmasına yol verilməməlidir.
Hazırda bu siyasət davam edir və faşizmə xidmət edən Njde, Dro kimiləri Ermənistanda qəhrəmanlaşdırılır, bu antibəşəri fəaliyyət dövlət siyasəti səviyyəsində icra edilir. Ermənistanın baş naziri öz sələflərinin siyasətini davam etdirərək faşistlərin qəhrəmanlaşdırılmasına bəraət qazandırır. Eyni zamanda, Ermənistan hakimiyyətində təmsil olunan yüksək vəzifəli bir sıra şəxslər faşistlərin nəsillərinin davamçılarıdır, onlar ailə bağları ilə faşizm ideyalarına sadiqdir, eləcə də bu xislətləri ilə fəxr edirlər. Biz bunun Ermənistan bu faşist siyasətinin mahiyyətini sentyabrın 27-də Azərbaycana qarşı həyata keçirdiyi növbəti təxribat nəticəsində də şahidi olduq. Belə ki, Ermənista ordusu müharibə şəraitində beynəlxalq hüququn və Cenevrə konvensiyasının tələblərinə kobud şəkildə pozaraq mülki əhalini hədəf seçməkdədir. Bu gün də davam edən zamanı əsas hədəf mülki insanlardır və onların yaşadığı ərazilərdir. Bu bir daha onların faşist siyasətinin mahiyyətini çılpaqcasına orta qoyur. Azərbaycan isə Ermənistan ordusundan fərqli olaraq döyüş zamanı belə beynəlxalq hüququn və Cenevr konvensiyasının tələblərinə riayət edərək hərbi əməliyyatlar zamanı mülki əhalini hədəf seçmir. Odur ki, beynəlxalq aləm Ermənistanın bu faşist və təcavüzkar siyasətinə son verməsi üçün səylərini ortaya qoymalıdır. Əks təqdirdə Ermənistanın faşist siyasəti dünya üçün yaxşı olmayan bir presidentə çevrilə bilər”- komitə sədri deyib.
Mürtəza
Ölkə.Az
