Azay Quliyev: “Heç bir beynəlxalq təşkilatın və dövlətin atəşkəslə bağlı çağırışları qəbul olunan deyil”

“Bu gün heç bir beynəlxalq təşkilatın və ya dövlətin Azərbaycanı atəşkəsə çağırış lar barədə olan qəbul olunan çağırışları qəbul olunan deyil. Çünki Azərbaycan xalqı zamanında münaqişənin həlli ilə bağlı yetərincə çağırışlar etdi. Onlar isə bizim şağırışlarımız iqnor olundu. İndi isə həm Azərbaycan xalqının və Ali Baş Komandan iradəsi ortadadır və qərarını verib”.

“Ölkə.Az” xəbər verir ki, bunu millət vəkili Azay Quliyev Milli Məclisin plenar iclasında çıxışı zamanı deyib.

Millət vəkilinin sözlərinə görə, Azərbaycan xalqı və Ali Baş Komandanın mövqeyi işğal olunmuş torpaqların işğaldan azad olunmasıdır. “Hər bir vətəndaş qələbəyə köklənib”- deputat qeyd edib.

Fransanın sərgilədiyi mövqeyə gəldikdə isə millət vəlkili deyib ki, Fransa prezidenti Makronun bəyanatı Azərbaycan cəmiyyətində ikrah hissi oyadır: “Artıq Fransa ATƏT MQ həmsədri kimi münaqişənin həllində vasitəçi kimi öz hüququnu itirib. Ona görə də Azərbaycan diplomatiyası qətiyyətli mövqeyini ortaya qoymalıdır. Fransanın ölkəmizdəki səfri XİN-ə dəvət edilib Azərbaycanın mövqeyi bildirilməlidir. Fransanın ATƏT MQ həmsədrliiyndən uzaqlaşdırılmalıdır. Ona görə də bütün gücümüzü cəbhəyə yönəldib qələbəyə nail olmalıyıq”- A. Quliyev qeyd edib.

Mürtəza

Ölkə.Az