Şuşa həbsxanası - Dilqəmlə Şahbazın əsir saxlanıldığı yerdən - VİDEO/FOTOLAR

Həbsxana 3 rejimdə - qapalı, yarımqapalı və açıq fəaliyyət göstərirdi.
Qapalı rejimdə cəza çəkənlərin sayı 33 nəfərdən ibarət olduğu bildirilirdi. Yarımqapalı rejimdə 41, açıq rejimdə isə daha 58 nəfər cəza çəkirdi. Ümumlikdə, həbsxana 350 nəfərin cəza çəkməsi üçün nəzərdə tutulub.
Bəzi məlumatlara görə, Şuşa ordumuz tərəfindən azad edilənə qədər həbsxanadakı gizli hücrələrdə azərbaycanlı Dilqəm Əsgərov və Şahbaz Quliyev də saxlanılırdı.

Qeyd edək ki, 2014-cü il iyulun 11-də Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcər rayonunda öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə öldürülüb.İşğal altındakı Dağlıq Qarabağda Dilqəm Əsgərov və Şahbaz Quliyev üzərində qanunsuz "məhkəmə" qurublar. "Məhkəmə"nin qərarı ilə Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilmə cəzasına məhkum olunub.

Əsgərlərimiz Şuşanın işğaldan azad olunmasından sonra həmin həbsxananın video görüntüləri paylaşıb.

Qeyd edək ki, aşağıda olan fotoları 2015-ci ildə həbsxanada “monitorinq” aparmış Vardan Voskanyan çəkib.