Türk və Amerika musiqiçiləri Qarabağa mahnı həsr ediblər - VİDEO

Türk bəstəkarı Turqay Evren Qarabağın işğaldan azad edilməsinə mahnı bəstələyib, Amerika müğənnisi Della Maylz isə onu ifa edib.

Bu barədə “Ölkə.az” “Anadolu” agentliyinə istinadən xəbər verir.

Qeyd edilir ki, türk bəstəkarın "Many Years Ago" ("İllər əvvəl") adlı yeni mahnısı Azərbaycanın Qarabağ regionunun Ermənistanın çoxillik işğalından azad olunmasına həsr edilib.

Amerika müğənnisi Della Maylz tərəfindən ifa edilən kompozisiya Ermənistan Silahlı Qüvvələrinin Azərbaycanın incisi - Qarabağın Şuşa şəhərini işğal etdiyi 1992-ci ildə baş verən faciəli hadisələrin xatirəsinə mayın 8-də tvitter sosial şəbəkəsində və “YouTube” hostinqində yayımlanıb.