Türkiyə və Azərbaycan arasında yeni əməkdaşlıq

Türkiyə və Azərbaycan arasında yeni əməkdaşlıq - Modern texnologiyalarla qurulur

İşğaldan azad olunan Azerbaycan torpaqlaırnda kənd təsərrüfatının inkişafı məqsədi ilə Türkiyə tərəfdən ciddi dəstək veriləcək. Artıq bu məqsədlə Tekirdağda bir şirkət Azərbaycanın işğaldan azad olan torpaqlarında kənd təsərrüfartının yenidən bərpası məqsədi ilə kənd təsərrüfatı avadanlıqları istehsal etməyə başlayıb.

“Ölkə.Az” “haber7”yə istinadən xəbər verir ki, Tekirdağda istehsal olunan kənd təsərrüfatı texnikası və avadanlığı 30 ilə yaxın müddətdə işğal altında olan Zəngilan rayonunda istifadə olunacaq. Çünki Zəngilanın Ağalı kəndində “ağıllı kənd” inşa ediləcəyi ərazidə Türkiyə şirkətlərinin iştirakı ilə kənd təsərrüfatı parkı da fəaliyyət göstərəcək.

Hayrabolu Sənaye şəbəkəsi daxilində fəaliyyət göstərən “Duran Tarım” şirkəti ilk mərhələdə torpaqları kultivasiya etmək üçün 17 kənd təsərrüfatı texnikası göndərəcək.

Şirkətin rəhbəri bildirib ki, istehsal etdikləri bütün məhsulları Azərbaycana göndərəcəklər:

"Qardaş ölkəyə və orada çalışan kənd təsərrüfatı işçilərinə hərtərəfli dəstək veririk. 30 ildir işğal altında olan torpaqların azad olunmasının sevincini yaşayırıq. Azərbaycanda bizim texnikalarımız ilə kənd təsərrüfatı işlərinin görülməsi bizdə qürur hissi yaşadır. Ümumilikdə 122 texnika göndəriləcək”.