ATƏT-dən Bakı və İrəvana: “Bunu dəstəkləyirik”
ABŞ dövlət katibi Entoni Blinken, Rusiya Federasiyası və Fransanın xarici işlər nazirləri Sergey Lavrov və Jan-İv Le Drian Qarabağ üzrə ATƏT-in Minsk qrupunun həmsədrlərinin himayəsi altında Ermənistan və Azərbaycan arasında birbaşa dialoqun bərpasını dəstəkləyirlər.
“Ölkə.Az” xəbər verir ki, bu barədə qurumun saytında yerləşdirilən məlumatda qeyd olunur.
Həmsədr ölkələr tərəfləri regionda davamlı sülhü təşviq etmək etmək məqsədi ilə xarici işlər nazirləri səviyyəsində dialoqu davam etdirməyə, eləcə də dövlət başçıları səviyyəsində təmasları davam etdirməyə çağırır.
Həmsədr ölkələr Ermənistan və Azərbaycanı qızışdırıcı ritorikadan və təxribat xarakterli hərəkətlərdən çəkinməyə, 2020-ci il noyabrın 9-da üzərinə götürdüyü, 26 noyabr 2021-ci il tarixində üçtərəfli bəyanatlarda və digər razılaşdırılmış atəşkəs razılaşmalarında təsdiq edilmiş öhdəlikləri tam yerinə yetirməyə dəvət edib.
Sənəddə həmçinin tərəflər ATƏT sərhədlərin delimitasiyası və demarkasiyası, iqtisadi və nəqliyyat əlaqələrinin bərpası kimi digər problemli məsələlərin həlli üçün konstruktiv işləməyə çağırıb.
"Tərəfləri vəziyyəti yerində qiymətləndirmək üçün bizə ən qısa zamanda regiona səfər etmək imkanı yaratmağa çağırırıq” - bəyanatda deyilir.
Mürtəza
Ölkə.Az
