"Ermənistana sabitliyi Azərbaycan rəhbərliyi və ordusu gətirəcək" - Deputat
Paşinyan qeyd edib ki, BMT Təhlükəsizlik Şurası 1993-cü ildə “Dağlıq Qarabağ Azərbaycanın ərazisidir” formulunu qəbul edib.
Yaranmış durumla bağlı “Ölkə.Az”a açıqlama verən Milli Məclisin Əmək və sosial siyasət komitəsinin sədri Musa Quliyev bildirib ki, Ermənistanda ictimai-siyasi böhran davam edəcəksə, o zaman bu ölkəyə sabitliyi Azərbaycan rəhbərliyi və ordusu gətirəcək.
Komitə sədrinin sözlərinə görə, 44 günülük Zəfər müharibəsindən sonra kapitulyasiya aktına imza atamağa məcbur olan Paşinayan reallığı dərk emtəkdədir.
Bir ovuc revanşistlər, köçəryanlar, sərkisyanlar, arutyunyanlar, “Qarabağ klanı” isə bu sülh razılaşmalarına əngəl törətməyə çalışırlar.
“O, getdikcə vəziyyətin Ermənistanın xeyrinə dəyişməyəcəyinə əmin olduğundan böyük sülh danışıqlarına gedib, Azərbaycanın ərazi bütövlüyünü tanımaq məcburiyyətindədir. Onun son açıqlamaları, verdiyi bəyanatlar və ifadələr göstərir ki, o komandasını, siyasi elitanı və erməni ictimaiyyətini böyük sülhə hazırlayır. Amma Qarabağdakı və Ermənistandakı bir ovuc revanşistlər, köçəryanlar, sərkisyanlar, arutyunyanlar, “Qarabağ klanı” isə bu sülh razılaşmalarına əngəl törətməyə çalışırlar. Onlar yaxşı anlayır ki, Qarabağ məsələsi həllini tapmaqla onların tarixin arxivinə gedəcəklər. Onsuz da onların dönəmi bitmək üzrədir. Onların missiyası bitir və yaxın zamanda onlar tarixin zibilliyinə gedəcəklər”, - deputat qeyd edib.
Ermənistanda artıq dərk edirlər ki, dövlət kimi mövcudluqları Azərbaycan və Türkiyə ilə əməkdaşlıqdan keçir.
Komitə sədri əlavə edib ki, bu gün Ermənistan cəmiyyəti Azərbaycanın müharibədə əldə etdiyi qələbəni qəbul edir və bununla barışıb: “Ermənistan ictimaiyyətinin böyük əksəriyyəti davamlı sülh və əməkdşalıq təklifini gözləyir. Amma görünən odur ki Ermənistanın ictimai-siyasi həyatında hələ uzun müddət siyasi sabitliyin bərqərar olacağı qeyri-mümkün olacaq. Əgər Ermənistanda siyasi sabitlik bərqərar olmazsa, sülh prosesləri ilə bağlı vəziyyət uzanarsa və ya dalana dirənərsə, o zaman Azərbaycan rəhbərliyi və ordusu bu ölkəyə siyasi sabitliyi gətirəcək. Onlar Azərbaycanın növbəti dəmir yumruğunu görəcəklər. İstənilən halda proseslər Azərbaycanın nəzarəti altındadır. Azərbaycan Prezidenti cənab İlham Əliyevin mesajları erməni cəmiyyəti tərəfindən ciddi qəbul edilir. Çünki yaxşı bilirlər ki, cənab İlham Əliyev dediyini yerinə yetirən liderdir. Digər tərəfdən Azərbaycan hərtərəfli, iqtisadi, ordu cəhətdən Ermənistandan dəfələrlə güclü bir ölkə olduğundan qarşı tərəfi güzəştlərə və razılaşmaya getməyə məcbur edir. Əgər Ermənistan 30 illik işğal dövründə inkişaf edə bilmədisə, bundan sonra bunu gözləməyə dəyməz. Bu reallığı Paşinyan da yaxşı anlamağa başlayır. Ona görə də Ermənistanı xilas etmək üçün bu addımları atmağa məcburdur. Ermənistanda artıq dərk edirlər ki, dövlət kimi mövcudluqları Azərbaycan və Türkiyə ilə əməkdaşlıqdan keçir. Biz yəqin yaxın vaxtlarda Zəngəzur dəhlizinin açılmasının, sərhədlərin delimitasiyasi və demarkasiyasının şahidi olacağıq. Ona görə də revanşist qüvvələrin hay-küyünü heç bir mənası olmayacaq”.
Hərbi ekspert Ruslan İmnaquliyev isə Ölkə.Az-a bildirib ki, Azərbaycan artıq ərazi bütövlüyünü təmin edib.
“Ona görə də belə hallara görə narahat olmağa əsas yoxdur. Azərbaycan müharibə meydanında qələbə çalmasına baxmayaraq günbəgün ordusunu gücləndirir. Dekabrın 24-də Hadrutda Xankəndinə yaxın ərazi komanda hərbi hissəsinin açılması, həm Ermənistana, həm də ki, Qarabağda yaşayan revanşistlərə ciddi bir mesajdır”, - o qeyd edib.
Sayıqlığı itirməməliyik və istənilən riskə hazır olmalıyıq
Ekspert əlavə edib ki, Xankəndidəki revanşistlər əvvəlki kimi havadarlarına arxalanaraq revanşist hərəkətlərə əl atıb, fikirlər səsləndirirlər: "Bu informasiya müharibəsinin tərkib hissəsidir və Azərbaycan bu müstəvidə də düşmən üzərində qələbə çalır. Bütün bunlara baxmayaraq sayıqlığı itirməməliyik və istənilən riskə hazır olmalıyıq. Baş qaldıran revanşistlərə sərt formada layiqli cavabını verməliyik və veriləcək də…
Qarabağda yaşayan ermənilər bilməlidirlər ki, onlar Azərbaycan torpaqlarında yaşayırlar. Məncə, onlar bu şansı dəyərləndirib, tez bir zamanda Azərbaycan vətəndaşlığını qəbul edib, qanunlara riayət emtəlidirlər. Əks təqdirdə, acı nəticə ilə üzləşib, məhv olmağa məhkumdurlar”.
Mürtəza
Ölkə.Az
