"Sülhməramlılar ermənilərin Azərbaycana qarşı düşmənçilik hərəkətlərini dəstəkləyir"
Bunu "Ölkə.Az"a açıqlamasında siyasi ekspert Zaur İbrahimli deyib.
Onun sözlərimə görə, Rusiya sülhməramlıları Azərbaycanın Qarbağ bölgəsində yerləşmiş
qanunsuz erməni silahlı dəstələrinə yardım göstərir, istehkam qurğuları yaratmalarına göz yumurlar.
"Bununla yanaşı məqsədli şəkildə ermənilərin məskunlaşmasının genişləndirilməsinə şərait yaradır, bölgədə yaşayan ermənilərin Azərbaycana qarşı düşmənçilik hərəkətlərini, bununla əlaqədar təbliğat-təşviqat fəaliyyətlərini dəstəkləyirlər. Rusiya sülhməramlı kontingentinin məsuliyyət zonasına daxil ərazilərdən ermənilərin Azərbaycanın digər yaşayış məntəqələrini
atəşə tutması hallarının artıq sistematik hal alması da ciddi naratlıq yaradır. Bütün bunlar Rusiya sülhməramlı kontingentinin mandatının dayandırılması üçün legitim əsas yaradır. Rusiya siyasi-hərbi rəhbərliyi bu məsələlərdə bağlı ciddi məsuliyyət tədbirləri görməli, Rusiya sülhməramlı kontingentinin rəhbərliyi atəşkəs razılaşmasında müəyyən edilmiş parametrlərə uyğun davranmalıdır", - o qeyd edib.
Ekspert əlavə edib ki, xüsusən hazırda Ukraynaya Rusiyanın hərbi müdaxiləsinin davam etdiyi vaxtda bu cür təxribatlar vəziyyəti daha da gərginləşdirir:
"Rusiya rəhbərliyi Azərbaycan cəmiyyətinin reaksiyasına və narahatlığına obyektiv yanaşmalı
neqativ halların aradan qaldırılması üçün ciddi tədbirlər görməlidirlər".
Mürtəza
Ölkə.Az
