Xankəndidə kafe, restoranların, şadlıq saraylarının fəaliyyətinə məhdudiyyət qoyulur

Xankəndi-Laçın yolundakı aksiya öz bəhrəsini verməkdədir. Belə ki, Xankəndidəki separatçılar çıxılmaz vəziyyətdə və təşviş içindədirlər. Artıq bu gündən etibarən ictimai-iaşə xidmətlərinin fəaliyyətinə məhdudiyyətlər tətbiq ediləcək. 

Separatçı rejimin “tətbiq etdiyi hərbi vəziyyətin” tələblərinə uyğun olaraq bu gündən etibarən ictimai-iaşə xidmətlərinin göstərilməsinə məhdudiyyətlər qoymaq qərarına gəlinib.

“Qərar” 29 dekabr 2022-ci il saat 13:00-dan qüvvəyə minir.

Həmin beşbəndlik “qərar”da deyilir ki, ərizəyə uyğun olaraq ictimai iaşə xidmətlərinin göstərilməsi üzrə məhdudiyyətlər müəyyən edilsin.

- ictimai iaşə obyektlərində 15 nəfərdən artıq şəxsin iştirakı;

- bayram, ailəvi və digər özəl tədbirlərin təşkili və keçirilməsi;

- ictimai iaşə obyektlərində 35 nəfərdən artıq şəxsin iştirakı ilə anım tədbirlərinin təşkili və keçirilməsi qadağandır.

Bu məhdudiyyətlər ictimai iaşə müəssisələrinin ictimai iaşə obyektlərindən kənarda xidmət göstərməsinə də şamil edilir.

Saat 23:00-dan sonra ictimai iaşə obyektlərinin fəaliyyəti qadağandır. Bu məhdudiyyətlər kontekstində iaşə obyektlərinə restoranlar, banket zalları, o cümlədən mehmanxanalar və istirahət evlərindəki iaşə obyektləri daxildir.

Məhdudiyyətlərin icrası separatçı rejimin “qurumları”na həvalə edilib.

Onu da qeyd etmək lazımdır ki, aksiya iştirakçıları Qarabağda yaşayan ermənilərə qida daşınması ilə bağlı hər hansı problem yaratmır və istənilən vaxt humanitar yük daşınmaqdadır. 

Mürtəza
Ölkə.Az