Ermənilər Xankəndidən belə çıxır - VİDEO

Ermənilər dünyada riyakarlığı, yalanı ilə dünyada da ad çıxarıb. Amma bir məsələ də var ki, özləri də öz riyakarlıqlarını, yalanlarını, saxtakarlıqlarını ifşa edirlər. Biz bunun dekabrın 12-dən etibarən Xankəndi-Laçın yolunda keçirilən aksiya zamanı da şahidi olmaqdayıq.

Ermənilər bir yandan dünyaya haray-həşir salıb Qarabağ ermənilərinin Azərbaycan tərəfindən blokadaya alındığını deyirlər, digər tərəfdən isə özləri də bu yalanlarını ifşa edirlər. Bunun bariz nümunəsi yanvarın 29-da Xankəndiyə Yeni il bayramına gələn Rusiya vətəndaşı olan milliyətcə ermənilərin yenidən geri qayıtmasıdır.

“Ölkə.Az” “Peacekeeper” Teleqram kanalına istinadən xəbər verir ki, Azərbaycan tərəfi ilə əldə olunan razılaşmalar çərçivəsində ötən gün Yeni il tətili üçün Qarabağa gələn Rusiya Federasiyası vətəndaşları Ermənistan ərazisinə təxliyə edilib. 

“Onlardan 7-si uşaq olmaqla ümumilikdə 44 nəfər olub”, - məlumatda deyilir.

Əgər yol bağlıdırsa və blokadaya alınıbsa, onlar necə Xankəndiyə keçdi?! Deməli, yol dinc insanların gediş-gəlişi üçün qapalı deyil və bu, sadəcə, Azərbaycana qarşı atılan iftiradır. 

Mürtəza
Ölkə.Az