Birinci Qarabağ müharibəsinin şəhidi Qənbər Yarıyev dəfn edilib - FOTOLAR

Qalıqları aşkar edilən Birinci Qarabağ müharibəsində itkin düşmüş hesab olunan şəhid Qənbər Teymur oğlu Yarıyevin meyitinin qalıqları Salyan rayonuna gətirilib.

“Report”un Aran bürosunun məlumatına görə, şəhidin nəşi Salyanda ailəsinə təhvil verilib.

Şəhidlə vida mərasimi keçirilib.

Qənbər Teymur oğlu Yarıyevin nəşi Salyan rayonu Şəhidlər xiyabanında dəfn olunub.

Qeyd edək ki, o, 1966-cı il dekabrın 6-da anadan olub. O, 1992-ci il yanvarın 26-da Şuşanın Daşaltı kəndində itkin düşüb. Q.Yarıyevin qalıqları Daşaltı kəndindəki kütləvi məzarlıqda aşkar edilib.