Rusiyanın ən nüfuzlu şəxsi kimdir?
"Forbes" jurnalı Rusiyanın ən nüfuzlu şəxsinin adını açıqlayıb.
"Ölkə.Az" xəbər verir ki, nəşriyyat orqanı son 100 ildə Rusiyanın iqtisadiyyat, biznes, təhsil, cəmiyyət və siyasətinə böyük təsir edən sakinlərinin siyahısını tərtib edib. Jurnal 150 namizəd arasında seçim edib.
Son yüz ilin ən nüfuzlu rusiyalısı Yuriy Qaqarin seçilib. Sorğuda iştirak edənlərin 52%-i ona səs verib.
Sovet rəhbəri İosif Stalin ikinci seçilib. Millətlər atasına 44%-dən biraz çox respondent səs verib.
44% səs çoxluğu ilə Vladimir Putin üçüncüdür.
Jurnalın siyahısına Vladimir Lenin, Leonid Brejnev, İvan Pavlov, Andrey Saxarov, Mixail Barışnikov, Alla Puqaçova, Leonid Qayday, Nikita Mixalkov, Aleksey Kudrin kimi məşhurların adı daxil edilib.
Hikmət Həsənov
Ölkə.Az
