Bakıda "Porsche” ilə polisi əzən sürücü axtarılır

Bakının mərkəzində yol polisi vuran “Porsche" sürücüsü axtarılır. Bu barədə Bakı şəhər Dövlət Yol Polisi İdarəsinin ictimai qurumlarla əlaqə bölməsinin rəisi, polis polkovnik-leytenantı Vaqif Əsədov bildirib. Onun sözlərinə görə, hazırda polisə xidməti yerində təzyiq göstərən və ona xəsarət yetirən şəxsin tapılması istiqamətində tədbirlər görülür.

Qeyd edək ki, Bakının mərkəzində "Porsche" sürücüsünün yol polisinə qarşı etdiyi hərəkət hər kəsi şoka salıb. Yol polisi İstiqlaliyyət küçəsində yolu bağlayan zaman sonu 90 KF 155 dövlət nömrə nişanlı "Porsche Cayenne" markalı avtomobilin sürücüsü onun əmrinə tabe olmayıb.

Yol polisi serjantı maşının qarşısında dayansa da, sürücü maşını arxaya verərək polisin üzərinə sürüb. Sonradan bu hərəkətini təkrarlayaraq polisi vurub kənara tullayıb və avtomobilini sürüb gedib. Hadisə zamanı yol polisi serjantı ayağından xəsarət alıb./Anspress/

Ölkə.Az