Tofiq Zülfüqarov dövlətçiliyə və konstitusiya quruluşuna qarşı?

"Ölkə.Az"-ın məlumatına görə, əsasən Qarabağ mövzusunda yazan Tofiq Zülfüqarovun sonuncu statusu ziddiyyətli və təhrikçi çağırış kimi qiymətləndirilə bilər. 

Tofiq Zülfüqarovun Elmar Məmmədyarovu sevmədiyi və hətta Məmmədyarovun nə üçün nazir olduğunu sinirmədyi hər kəsə bəllidir. Buna paxıllıq, kinayə, nifrət və sair müxtəlif başqa adlar verilə bilər. Bu insan xisləti üçün xarakter olan haldır. Amma mətləb başqa şeydir. Sonuncu statusunda Zülfüqarov keçən il Ermənistanda Qarabağ məsələsinə görə törədilmiş məlum terror hadisəsi ilə müqayisə aparır və  XİN qarşısında piket keçirərək Məmmədyarovun istefasının tələb olunmasına çağırır. Onun təbirincə Qarabağ danışıqları uğursuzluğa düçar olub və Elmar Məmmədyarov Lavrov və Amerikadan olan həmsədr Hoqlandın Qarabağ açılımı arasınd fərqi izah etməli və hesabat verməlidir. 

Həmişə müxalifət cəbhəsinə meylli olan Tofiq Zülfüqarov bu kampaniyanın qanun çərçivəsində edilməsini qeyd etsə də, piket və etirazlarla hər hansı nazirin vəzifəsindən uzaqlaşdırılmasına çağırış təhlükəli tendensiya kimi qiymətləndirilə bilər. Özü də sabiq nazir bunu Ermənistandakı Sasna Tser terror hücumu kontekstində təqdim edir. Hər bir nazirin vəzifəyə təyin edilməsi və vəzifədən azad edilməsi Azərbaycanın konstitusiyasına görə dövlət başçısının bilavasitə səlahiyyətində olan məsələdir.

İndi görəsən bu anti-dövlət, anti-konstitusiya çağırış ilə Zülfüqarov şantaj metoduna əl ataraq vəzifə tələb edir, yoxsa?...

Ölkə.Az