Qroznıda 10 polis işçisi həlak olub, 10 yaraqlı öldürülüb

Dekabrın 4-də Qroznı şəhərində keçirilən əməliyyat zamanı 10 polis işçisi həlak olub, 30-u isə yaralanıb.

Çeçenistanın paytaxtında üç avtomobillə hərəkət edən yaraqlılar yol patrul xidmətinin əməkdaşlarına hücum edib, daha sonra isə respublika qəzetlərinin, internet-nəşrlərin redaksiyalarının və federal KİV-lərin nümayəndəliklərinin yerləşdiyi Mətbuat evinə, həmçinin şəhər məktəblərinin birinə soxulublar.

Güc strukturları binaları mühasirəyə alıb və şəhərdə anti-terror rejimi elan olunub. Milli anti-terror komitəsinin mətbuat mərkəzi əməliyyat nəticəsində 10 yaraqlının öldürüldüyü barədə məlumat yayıb./Azərtac/

Ölkə.Az